ព័ត៌មានអន្ដរជាតិ
ជនចំណាកស្រុក១២នាក់ជាប់ក្នុងព្រំដែនតួកគីនិងក្រិកត្រជាក់រហូតស្លាប់
ក្រុមមន្ត្រីបាននិយាយកាលពីថ្ងៃពុធថា ជនចំណាកស្រុក១២នាក់នាក់ត្រូវបានរកឃើញស្លាប់នៅក្នុងទីប្រជុំជនតូចមួយរបស់តួកគីជិតព្រំដែនជាមួយប្រទេសក្រិក មួយសប្តាហ៍បន្ទាប់ពីព្យុះរដូវរងាដ៏កម្របានគ្របដណ្តប់ប្រទេសទាំងពីរ។
រដ្ឋមន្ត្រីក្រសួងមហាផ្ទៃតួកគី លោក Suleyman Soylu បាននិយាយថា ជនចំណាកស្រុកទាំង១២នាក់បានជាប់គាំងរហូតដល់ស្លាប់នៅតំបន់ Ipsala ជាទីប្រជុំជនព្រំដែន ដែលជាញឹកញាប់មានជនចំណាកស្រុកឆ្លងកាត់ចូលទៅតំបន់អឺរ៉ុប។
សំនួរលើកឡើងថា តើចំណាកស្រុកទាំងនោះមកពីណា ហើយហេតុអ្វីបានជាជាប់គាំងក្នុងស្ថានភាពត្រជាក់រហូតដល់ស្លាប់គឺមិនច្បាស់ទេ ប៉ុន្តែប្រទេសក្រិក និងតួកគីបានបន្ទោសគ្នាទៅវិញទៅមកសម្រាប់សោកនាដកម្មនេះ។
លោក Soylu បានចោទប្រកាន់នៅលើ Twitter ថា ក្រុមរងគ្រោះទាំងនោះត្រូវបានបង្វែរចេញដោយមន្ត្រីព្រំដែនក្រិក ហើយបានដោះស្បែកជើង និងសំលៀកបំពាក់របស់ពួកគេ។ លោកបានបង្ហោះរូបភាពមិនច្បាស់ដែលទំនងជាបង្ហាញសាកសពហោចណាស់៨នាក់ដែលមានសំលៀកបំពាកខ្លះ និងដេកក្នុងភក់។
លោក Soylu បានហៅកម្លាំងល្បាតព្រំដែនក្រិក និងអង្គភាពចោរកម្ម ដោយបាននិយាយថា សហភាពអឺរ៉ុបមិនអាចដោះស្រាយបាន ទន់ខ្សោយ និងអមនុស្សធម៌។
ទោះបីជាយ៉ាងណា រដ្ឋមន្ត្រីអន្តោប្រវេសន៍ក្រិក លោក Notis Mitarachi បានបដិសេធចំពោះការចោទប្រកាន់របស់លោក Soylu។
លោកមានប្រសាសន៍ក្នុងសេចក្តីថ្លែងការណ៍មួយថា ៖«ការស្លាប់ជនអន្តោប្រវេសន៍១២នាក់នៅលើព្រំដែនតួកគីនៅ Ipsala ជាសោកនាដកម្មមួយ»៕
ប្រែសម្រួល៖ វីរបុត្រ
ប្រភព៖ CNN
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល