ព័ត៌មានអន្ដរជាតិ
ការកក់សំបុត្រហោះមកប្រទេសអាស៊ានកំពុងកើនឡើងខ្លាំង
ការកក់សំបុត្រយន្តហោះសម្រាប់ការធ្វើដំណើរមកកាន់បណ្តាប្រទេសអាស៊ីអាគ្នេយ៍ដែលធូរស្បើយពីកូវីដ-១៩កំពុងឡើងខ្ពស់គួរឲ្យកត់សំគាល់កាលពីខែមករាកន្លងទៅ។ នេះបើយោងតាមទិន្នន័យពីក្រុមហ៊ុនធ្វើដំណើរអនឡាញ Skyscanner បានបង្ហាញ និងជាសញ្ញាវិជ្ជមានដែលវិស័យអាកាសចរណ៍ក្នុងតំបន់ល្អប្រសើរឡើងវិញ។
អ្នកដំណើរអន្តរជាតិនៅក្នុងតំបន់អាស៊ី-ប៉ាស៊ីហ្វិកបានធ្លាក់ចុះដល់៩៣%មុនពេលកូវីដបានផ្ទុះឡើងកាលពីឆ្នាំមុនដែលធ្វើឲ្យវិស័យអាកាសចរណ៍បាត់បង់ប្រាក់ចំណូលយ៉ាងខ្លាំង និងទីផ្សារទេសចរណ៍ក្រៅប្រទេសដ៏ធំរបស់ប្រទេសចិនត្រូវបានបិទ។
ទោះបីជាយ៉ាងណា បណ្តាប្រទេសអាស៊ានដូចជា ថៃ ហ្វីលីពីន វៀតណាម ឥណ្ឌូណេស៊ី និងសិង្ហបុរីជាដើមកំពុងងើបចេញពីការរាតត្បាតដោយវីរុសបំប្លែងខ្លួន Omicron និងបើកទទួលយកភ្ញៀវទេសចរវ៉ាក់សាំង។
វិលត្រឡប់មកការកត់សំបុត្រថ្នាក់ពាណិជ្ជកម្មទៅកាន់គោលដៅទេសចរណ៍ទាំងនោះមានមកពីចក្រភពអង់គ្លេស សហរដ្ឋអាមេរិក និងអាល្លឺម៉ង់ជាដើមបានកើនឡើងចន្លោះពី១៩% និង៣០០%ក្នុងខែធ្នូ មកខែមករា។ នេះបើយោងតាម Skyscanner ដែលជាម្ចាស់គ្រុប Trip.com Group។
ប្រធានតំបន់អាស៊ីប៉ាស៊ីហ្វិកជាន់ខ្ពស់របស់ Skyscanner លោក Paul Whiteway បាននិយាយក្នុងសេចក្តីថ្លែងការណ៍តាមអ៉ីម៉ែលមួយនៅថ្ងៃព្រហស្បតិ៍ម្សិលមិញថា ៖«ការតាមដានជាសកលរបស់ Skyscanner យើងបានឃើញថា នៅពេលការរឹតបន្តឹងបានបន្ធូរបន្ថយ អ្នកធ្វើដំណើរមានសកម្មភាពឡើងវិញ និងសម្របខ្លួនតាមវិធានការថ្មីដើម្បីអាចធ្វើដំណើរទៅក្រៅប្រទេសបាន»។
លោកបន្ថែមថា ៖«ប៉ុន្មានសប្តាហ៍ខាងមុខនេះ យើងនឹងឃើញទីផ្សារឆ្លើយតបនឹងព័ត៌មាន អាកាសចរណ៍កំពុងប្រកាសពីកាលវិភាគថ្មី និងកំពុងកសាងសមត្ថភាពដើម្បីអនុញ្ញាតឲ្យវិលត្រឡប់មកវិញនៃការធ្វើដំណើរអន្តរជាតិតាមខ្នាត»៕
ប្រែសម្រួល៖ វីរបុត្រ
ប្រភព៖ Reuters
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង