ព័ត៌មានអន្ដរជាតិ

ភាពតានតឹង រុស្ស៊ី-អ៊ុយក្រែន ធ្វើឲ្យតម្លៃប្រេងពិភពលោកឡើងដល់កម្រិត ខ្ពស់បំផុតមិនធ្លាប់មាន

បានផុស

៤ years មុន

នៅ

ថ្ងៃអង្គារ ១៥ កុម្ភៈ ២០២២

ដោយ

កាលពីថ្ងៃចន្ទតម្លៃប្រេងបានកើនឡើងដល់កម្រិតខ្ពស់បំផុតមិនធ្លាប់មានក្នុងរយៈពេលជាង ៧ ឆ្នាំ ដោយសារតែការភ័យខ្លាចសកម្មភាពយោធារបស់រុស្ស៊ីលើអ៊ុយក្រែនអាចបង្កឲ្យមានការដាក់ទណ្ឌកម្មពីសហរដ្ឋអាមេរិក និងអឺរ៉ុប និងរំខានដល់ការនាំចេញថាមពលពីប្រទេសផលិតកំពូលរបស់ពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេងឆៅរបស់ក្រុមហ៊ុន Brent មានតម្លៃ ៩៥.៧៣ ដុល្លារក្នុងមួយបារ៉ែល ពោលកើនឡើង ១.២៩ ដុល្លារ ឬ ១.៤ ភាគរយ បន្ទាប់ពីបានឡើងដល់កម្រិតខ្ពស់ ៩៥.៩១ ដុល្លារ ។ ចំណែកប្រេងឆៅរបស់ក្រុមហ៊ុនអាមេរិក West Texas Intermediate (WTI) បានកើនឡើង ១.៤៩ ដុល្លារ ឬ ១.៦ ភាគរយ ដល់ ៩៤.៥៩ ដុល្លារក្នុងមួយបារ៉ែល ដែលជិតដល់ការជួញដូរកម្រិតខ្ពស់ ៩៤.៩២ ដុល្លារ ។

ការកើនឡើងនេះក៏ដោយសារតែការអត្ថាធិប្បាយពីសហរដ្ឋអាមេរិក អំពីការវាយប្រហារដែលជិតមកដល់របស់រុស្ស៊ីលើអ៊ុយក្រែន បានធ្វើឲ្យទីផ្សារហិរញ្ញវត្ថុពិភពលោកមានភាពរកាំរកូស ។

លោក Edward Moya អ្នកវិភាគឲ្យក្រុមហ៊ុនប្តូរប្រាក់បរទេស OANDA បាននិយាយនៅក្នុងកំណត់ត្រាមួយថា “តម្លៃប្រេងនឹងនៅតែមានការប្រែប្រួលខ្លាំង និងរសើបចំពោះការធ្វើបច្ចុប្បន្នភាពបន្ថែមទាក់ទងនឹងស្ថានភាពអ៊ុយក្រែន ហើយវានឹងកើនលើសពី ១០០ ដុល្លារក្នុងមួយបារ៉ែល” ។

ចំណែកក្រុមហ៊ុនសេវាកម្មថាមពល Baker Hughes Co បាននិយាយថា នៅសហរដ្ឋអាមេរិក តម្លៃប្រេងកំពុងជំរុញឲ្យក្រុមហ៊ុនថាមពលបង្កើនទិន្នផល ខណៈដែលពួកគេបានបន្ថែមកន្លែងខួងយកប្រេងច្រើនបំផុតក្នុងរយៈពេល ៤ ឆ្នាំកាលពីសប្តាហ៍មុន ៕