Biden និង Zelenskyy និយាយទូរសព្ទជាមួយគ្នាជាងកន្លះម៉ោង ម្សិលមិញ

ប្រធានាធិបតីសហរដ្ឋអាមេរិកលោក Joe Biden និងប្រធានាធិបតីអ៊ុយក្រែនលោក Volodymyr Zelenskyy បាននិយាយគ្នាអស់រយៈពេលជាងកន្លះម៉ោងតាមទូរសព្ទកាលពីថ្ងៃអង្គារទី១ខែមីនា ស្របពេលដែលប្រទេសរបស់លោក Zelenskyy នៅតែរងការវាយប្រហារពីកងកម្លាំងរុស្ស៊ី។

លោក Zelenskyy បាន​បញ្ជាក់អំពី​ថា​ការ​ហៅ​ទូរសព្ទ​នេះ នៅក្នុងការបង្ហោះ Twitter។

លោក Zelenskyy និយាយថា “ទើបតែមានការសន្ទនាជាមួយប្រធានាធិបតីអាមេរិក។ ការដឹកនាំរបស់អាមេរិកលើការដាក់ទណ្ឌកម្មប្រឆាំងរុស្ស៊ី និងជំនួយការពារជាតិដល់អ៊ុយក្រែន ត្រូវបានពិភាក្សា។ យើងត្រូវបញ្ឈប់អ្នកវាយលុកឲ្យបានឆាប់ តាមដែលអាចធ្វើទៅបាន។ អរគុណសម្រាប់ការគាំទ្ររបស់អ្នក!”។

ទន្ទឹមនោះ សេតវិមានបានឲ្យដឹងថា អ្នកទាំងពីរបាននិយាយគ្នាអំពីការផ្តល់ជំនួយផ្នែកសន្តិសុខ ជំនួយសេដ្ឋកិច្ច និងជំនួយមនុស្សធម៌ដែលកំពុងបន្ត និងការវាយប្រហាររបស់រុស្ស៊ីលើជនស៊ីវិល រួមទាំងការទម្លាក់គ្រាប់បែកនៅជិតទីតាំងរម្លឹកវិញ្ញាណក្ខន្ធ Babyn Yar Holocaust ផងដែរ៕

ប្រែសម្រួល៖​ Vann Vann

ប្រភព៖ FOX

ចុចអាន៖ វីដេអូស្តែងៗ រុស្ស៊ី បាញ់មីស៊ីលចំអង់តែនទូរទស្សន៍ ទីក្រុង កៀវ ស្លាប់មនុស្ស៥នាក់