ព័ត៌មានអន្ដរជាតិ

អារ៉ាប៊ីសាអូឌីត ពិចារណាលក់ប្រេងទៅឲ្យ ចិន គិតជា ប្រាក់យ័ន ជំនួស ដុល្លារអាមេរិក

បានផុស

៤ years មុន

នៅ

ថ្ងៃព្រហស្បតិ៍ ១៧ មីនា ២០២២

ដោយ

កាសែត Wall Street Journal បានរាយការណ៍កាលពីថ្ងៃពុធថា ប្រទេសអារ៉ាប៊ីសាអូឌីតកំពុងពិចារណាលើការលក់ប្រេងមួយចំនួនរបស់ខ្លួនទៅប្រទេសចិនគិតតម្លៃជាប្រាក់យ័នជំនួសឲ្យប្រាក់ដុល្លារអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sami Hamdi អ្នកវិភាគនយោបាយអារ៉ាប់ និងជាប្រធានហ៊ុនអន្តរជាតិបាននិយាយថា “ប្រសិនបើអារ៉ាប៊ីសាអូឌីត និងចិនឈានដល់កិច្ចព្រមព្រៀងលើការទូទាត់ប្រេងជាប្រាក់យ័ននោះ វានឹងមានផលប៉ះពាល់យ៉ាងសំខាន់សម្រាប់អនាគតនៃការគ្រប់គ្រងប្រាក់ដុល្លារនៅលើទីផ្សារពិភពលោក” ។

លោក Hamdi បាននិយាយថា “ខ្ញុំគិតថា ខណៈពេលដែលប្រាក់ដុល្លារនឹងនៅតែលេចធ្លោ ទង្វើបែបនេះនឹងធ្វើឲ្យខូចកេរ្តិ៍ឈ្មោះរបស់ប្រាក់ដុល្លារ ហើយនឹងលើកទឹកចិត្តដល់ប្រទេសនានាដែលប៉ះពាល់ចំពោះវិធីដែលសហរដ្ឋអាមេរិកដាក់ទណ្ឌកម្មដ៏ខ្លាំងក្លាលើប្រទេសរុស្ស៊ី ពាក់ព័ន្ធនឹងការគ្រប់គ្រងប្រាក់ដុល្លារ“ ។

លោកបញ្ជាក់ថា ប្រសិនបើអារ៉ាប៊ីសាអូឌីត និងចិនបន្តសកម្មភាពនេះ វានឹងបង្ហាញពី “យុគសម័យថ្មី” ដែលរដ្ឋនានានឹងពន្លឿនការប៉ុនប៉ងរបស់ពួកគេដើម្បីកាត់បន្ថយការពឹងផ្អែកលើប្រាក់ដុល្លារ” ។

លោកបានកត់សម្គាល់ថា “យើងបានឃើញហេតុការណ៍នេះកើតឡើងរួចហើយនៅប្រទេសតួកគី ។ យើងកំពុងឃើញរឿងនេះកើតឡើងជាមួយប្រទេសផ្សេងទៀត ។ គំនិតនេះគឺថាប្រាក់ដុល្លារមានឥទ្ធិពលខ្លាំងពេក” ។

ជាចុងក្រោយលោក Hamdi បាននិយាយថា អ្វីដែលកើតឡើងគឺផលិតផលប្រេងមួយចំនួននឹងត្រូវលក់ជាប្រាក់យ័ន ។ ហើយនោះមានន័យថា អារ៉ាប៊ីសាអូឌីត ជាម្ចាស់រោងចក្រចម្រាញ់ប្រេងមួយចំនួនដែលមាននៅក្នុងប្រទេសចិន ហើយពួកគេប្រហែលត្រូវបានលក់នៅលើទីផ្សារប្រទេសចិនជារូបិយប័ណ្ណយ័ន ។ ប៉ុន្តែទោះជាយ៉ាងណាសរុបមក ៩០ ភាគរយ ប្រេងដែលផលិតដោយអារ៉ាប៊ីសាអូឌីត និងពិភពលោកនឹងនៅតែលក់ជាប្រាក់ដុល្លារ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តម្លៃប្រេងសាំងប្រទេសទាំងអស់នៅ អាស៊ាន សុទ្ធតែឡើងថ្លៃ ខណៈ កម្ពុជា លក់ ៥ ៣០០ រៀលក្នុងមួយលីត្រ