ព័ត៌មានអន្ដរជាតិ
ព័ត៌មានរដ្ឋផ្សាយថា គ្មានអ្នកនៅរស់រកឃើញពីការធ្លាក់យន្តហោះនៅចិនទេ
គ្មានអ្នករស់រានមានជីវិតណាម្នាក់ត្រូវបានរកឃើញទេ ខណៈការរុករកនៅតែបន្តរហូតដល់ថ្ងៃអង្គារ៍ ទី២២ ខែមីនា នេះពីគ្រោះថ្នាក់ធ្លាក់យន្តហោះរបស់ក្រុមហ៊ុន China Eastern ដែលមានអ្នកដំណើរ១៣២នាក់។ នេះជាគ្រោះថ្នាក់ធ្លាក់យន្តហោះអាក្រក់បំផុតក្នុងរយៈពេលមួយទសវត្សរ៍ចុងក្រោយនៅប្រទេសចិន។
ទូរទស្សន៍រដ្ឋចិន CCTV បានផ្សាយនៅព្រឹកថ្ងៃអង្គារ៍នេះ បន្ទាប់ពីការធ្លាក់រយៈពេលជាង១៨ម៉ោងថា ៖«បំណែកយន្តហោះត្រូវបានរកឃើញនៅកន្លែងកើតហេតុ ប៉ុន្តែរហូតដល់ពេលនេះ គ្មាននរណាម្នាក់នៅលើយន្តហោះត្រូវបានរកឃើញរស់រានមានជីវិតទេ»។
យន្តហោះ Boeing 737-800 បានធ្លាក់នៅជិតទីក្រុង Wuzhou ក្នុងតំបន់ Guangxi ខណៈពេលកំពុងហោះហើរចេញពីទីក្រុង Kunming ភាគខាងត្បូងខេត្ត Yunnan ទៅកាន់ Guangzhou តាមបណ្តោយឆ្នេរសមុទ្រខាងកើត។ ពេលធ្លាក់វាបានផ្ទុះជាអគ្គីភ័យឆាប់ឆេះយ៉ាងធំដែលត្រូវបានមើលឃើញតាមរយៈផ្កាយរណបរបស់ NASA។
តាមការផ្សាយរបស់ Xinhua យោងតាមអ្នកជួយសង្គ្រោះថា គ្រោះថ្នាក់នេះបានធ្វើឲ្យមានរណ្តៅជ្រៅនៅលើភ្នំ។ សេចក្តីរាយការណ៍ថា ដ្រូន និងការរុករកដោយដៃត្រូវបានធ្វើដើម្បីស្វែងរកប្រអប់ខ្មៅដែលរក្សាទិន្នន័យហោះហើរ និងឧបករណ៍ថតសំឡេងសម្រាប់ការស៊ើបអង្កេត។
យោងតាមទិន្នន័យពី FlightRadar24.com បានបង្ហាញថា ជើងហោះហើរ 5735 របស់ក្រុមហ៊ុន China Eastern បានកំពុងហោះហើរក្នុងល្បឿន៨៤២គីឡូម៉ែត្រក្នុងមួយម៉ោងនៅពេលដាំក្បាលបោះពូយចុះក្រោមយ៉ាងលឿនវេលាម៉ោង២.២០នាទីរសៀល។
រដ្ឋបាលអាកាសចរណ៍ស៊ីវិលបាននិយាយថា យន្តហោះដឹកអ្នកដំណើរ១២៣នាក់ និងបុគ្គលិកបម្រើការងារ៩នាក់។
លោកប្រធានាធិបតីចិន ស៊ី ជិនពីង បានអំពាវនាវឲ្យមានប្រតិបត្តិការសង្គ្រោះបន្ទាន់ និងឲ្យស៊ើបអង្កេតភ្លាមៗដែរជុំវិញគ្រោះថ្នាក់ដ៏អាក្រក់បំផុតនេះ ព្រមទាំងជំរុញឲ្យធានាសុវត្ថិភាពការហោះហើរស៊ីវិល៕
ប្រែសម្រួល៖ វីរបុត្រ
ប្រភព៖ AP
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ