Connect with us

ព័ត៌មានអន្ដរជាតិ

សងសឹកវិញហើយ រុស្ស៊ី​ កំពុងបណ្ដេញមន្ត្រីការទូត អាមេរិក ចេញពីប្រទេស

បានផុស

នៅ

រុស្ស៊ីនិយាយថាខ្លួនកំពុងបណ្ដេញអ្នកការទូតអាមេរិកជាការឆ្លើយតបនឹងចំណាត់ការរបស់ទីក្រុងវ៉ាស៊ីនតោនក្នុងការបណ្ដេញអ្នកការទូតរុស្ស៊ីដែលមានមូលដ្ឋាននៅទីក្រុងញូវយ៉កចំនួន ១២ នាក់ចេញពីអង្គការសហប្រជាជាតិកាលពីខែមុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសរុស្ស៊ីបានជូនដំណឹងទៅស្ថានទូតអាមេរិកនៅទីក្រុងមូស្គូអំពីការបណ្ដេញនេះកាលពីថ្ងៃពុធ ។ ក្រសួង​មិន​បាន​និយាយ​ថា​តើ​មន្ត្រី​ការទូតអាមេរិក​ប៉ុន្មាន​នាក់​នឹង​ត្រូវ​បណ្តេញ​ចេញពីប្រទេស​នោះ​ទេ ។

តាមសេចក្តីរាយការណ៍ក្រសួងបានប្រាប់សហរដ្ឋអាមេរិកថា រាល់សកម្មភាពអរិភាពប្រឆាំងនឹងរុស្ស៊ីនឹងបង្កឲ្យមានការឆ្លើយតបយ៉ាងម៉ឺងម៉ាត់ទៅវិញផងដែរ ។

ទន្ទឹមនោះអ្នកនាំពាក្យក្រសួងការបរទេសសហរដ្ឋអាមេរិកលោក Ned Price បាននិយាយនៅក្នុងសន្និសីទសារព័ត៌មានមួយកាលពីថ្ងៃពុធថា “វា​នឹង​ពិបាក​សម្រាប់​ស្ថានទូត​អាមេរិក​ក្នុង​ទីក្រុង​មូស្គូ​ក្នុង​ការ​បន្ត​ដំណើរការ​ប្រសិន​បើ​មានការបណ្ដេញ​បុគ្គលិកចេញ​បន្ថែម​ទៀត ជាពិសេសក្នុងអំឡុងពេលនៃជម្លោះ ក៏ដូចជាភាពតានតឹងកំពុងកើនឡើង” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ថ្កោលទោស អាមេរិក ចំពោះការបញ្ឆេះសង្គ្រាមអាវុធគីមីលើ អ៊ុយក្រែន

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម