អង់គ្លេស បង្ហាញលក្ខខណ្ឌ បើរុស្ស៊ីធ្វើបាន នោះទណ្ឌកម្មនឹងដកចេញ

យោងតាមរដ្ឋមន្ត្រីការបរទេសអង់គ្លេសលោកស្រី Liz Truss, ទណ្ឌកម្មដែលដាក់លើបុគ្គល និងក្រុមហ៊ុនរុស្ស៊ី អាចនឹងត្រូវបានដកវិញ ប្រសិនបើរុស្ស៊ីដកទ័ពចេញពីអ៊ុយក្រែន។

លោកស្រីបាននិយាយនៅក្នុងបទសម្ភាសន៍ជាមួយកាសែត Telegraph ថា “ទណ្ឌកម្មទាំងនោះ គួរតែដកចេញដោយបទឈប់បាញ់ពេញលេញ និងការដកទ័ព ប៉ុន្តែក៏ត្រូវមានការប្ដេជ្ញាចិត្តថា នឹងមិនមានការវាយលុកទៀតដែរ។ ហើយក៏មានឱកាសក្នុងការដាក់ទណ្ឌកម្មឡើងវិញផងដែរ ប្រសិនបើមានការលុកលុយបន្ថែមទៀតនាពេលអនាគត”។

រដ្ឋាភិបាលចក្រភពអង់គ្លេសនិយាយថា រហូតមកដល់ពេលនេះ ខ្លួនបានដាក់ទណ្ឌកម្មលើធនាគារដែលមានទ្រព្យសម្បត្តិសរុប ៥០០ ពាន់លានផោន (៦៥៩ពាន់លានដុល្លារ) ក៏ដូចជា មហាសេដ្ឋី និងសមាជិកគ្រួសាររុស្ស៊ីដែលមានទ្រព្យសម្បត្តិសុទ្ធជាង ១៥០ ពាន់លានផោន (១៩៨ ពាន់លានដុល្លារ)៕

ប្រែសម្រួល៖ សន្យា

ប្រភព៖ Al Jazeera

ចុចអាន៖ សមាជិកណាតូមួយ ច្រានចោលសំណើសុំអាវុធរបស់អ៊ុយក្រែន ព្រោះមិនចង់ពាក់ព័ន្ធសង្គ្រាម