Connect with us

ព័ត៌មានអន្ដរជាតិ

អាមេរិក៖ ចិន​ត្រូវ​ឈប់​ផ្ដល់​ជំនួយ​ឲ្យ​រុស្ស៊ី​​ប្រើ​ក្នុង​សង្គ្រាម

បានផុស

នៅ

លោក Wally Adeyemo អនុ​រដ្ឋមន្ត្រី​ក្រសួង​​ហិរញ្ញវត្ថុ​អាមេរិក បាន​និយាយ​ថា ​​​ចិន​ត្រូវ​បញ្ឈប់​ការ​​ផ្គត់ផ្គង់​គ្រឿង​បន្លាស់​នានា ដែល​អាច​ឲ្យ​រុស្ស៊ី​ប្រើប្រាស់​សម្រាប់​ធ្វើ​អាវុធ​​យក​ទៅ​​​វាយ​ប្រហារ​លើ​អ៊ុយក្រែន។ បើ​មិន​ដូច្នោះ​ទេ ចិន​នឹង​ប្រឈម​​មុ​ខ​ជាមួយ​បញ្ហា​មិន​ខាន។ ការ​ថ្លែង​របស់​មន្ត្រី​អាមេរិក​រូប​នេះ ធ្វើ​ឡើង​នៅ​ក្នុង​បទ​សម្ភាសន៍​​​មួយ​ជាមួយ​​ស្ថានីយ​ទូរទស្សន៍​ Bloomberg នៅ​ក្នុង​ទីក្រុង​កៀវ កាល​ពី​ថ្ងៃ​ទី​២៩ ខែ​ឧសភា ឆ្នាំ​២០២៤។

លោក Wally Adeyemo អនុ​រដ្ឋមន្ត្រី​ក្រសួង​​ហិរញ្ញវត្ថុ​អាមេរិក (រូបភាព៖ BLOOMBERG)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​លោក Wally បាន​បញ្ជាក់​ថា ដំណើរ​ទស្សនកិច្ច​​​​របស់​លោក​នៅ​អ៊ុយក្រែន​លើក​នេះ មាន​គោល​បំណង​​ប្រើប្រាស់​នូវ​ទណ្ឌកម្ម​បន្ថែម​​ទៀត​ ដើម្បី​បញ្ឈប់​រុស្ស៊ី​ក្នុង​ការ​ទទួល​បាន​នូវ​ជំនួយ​ជា​គ្រឿង​សព្វាវុធ​​​ពី​​សម្ព័ន្ធ​មិត្ត ជា​ពិសេស​នោះ​គឺ​ចិន​តែ​ម្ដង។ លោក​ថា អាមេរិក​និង​សម្ព័ន្ធ​មិត្ត នឹង​ដាក់​ទណ្ឌកម្ម​លើ​ក្រុមហ៊ុន​ណា ឬ​បុគ្គល​ណា ដែល​​​ហ៊ាន​លុក​ដៃ​​ជួយ​រុស្ស៊ី។

លោក​​អនុ​រដ្ឋមន្ត្រី បាន​បន្ថែម​ថា “ចិន​ត្រូវ​តែ​ឈប់។ បើ​​ពួក​គេ​មិន​ឈប់ យើង​នឹង​​ត្រូវ​បង្ខំ​ចិត្ត​​​ជាមួយ​សមាជិក​នៃ​សម្ព័ន្ធមិត្ត ចាត់​វិធានការ​មិន​ខាន”។ ទន្ទឹម​នោះ លោក Wally ក៏​បាន​លើក​ឡើង​អំពី​​ដំណើរ​​ទស្សនកិច្ច​​ដំបូង​របស់​លោក វ៉្លាឌឺមៀ ពូទីន ក្នុង​​អាណត្តិ​ថ្មី​​ជា​ប្រធានាធិបតី​​​​រុស្ស៊ី ទៅ​កាន់​ប្រទេស​ចិន​ផង​ដែរ ដែល​​ត្រូវ​ចាត់​ទុក​ថា​ជា​កិច្ច​ប្រឹងប្រែង​ក្នុង​ការ​ស្វែង​រក​​ការ​​ជួញ​ដូរ​​គ្រឿង​បន្លាស់​​សម្រាប់​ធ្វើ​អាវុធ​​ប្រើ​ក្នុង​សង្គ្រាម​តតាំង​​ជាមួយ​អ៊ុយក្រែន។

សូម​បញ្ជាក់​ថា អាមេរិក​កំពុង​ស្វះស្វែង​​​ផ្ដោត​សំខាន់​​លើ​ការ​រារាំង​​ដំណើរ​ការ​ផ្គត់​ផ្គង់​អាវុធ​របស់​រុស្ស៊ី ដូចជា​ការ​បង្កក​ទ្រព្យ​សម្បត្តិ​ធនាគារ​រុស្ស៊ី​ចំនួន ៨០% ជា​ដើម។ ដោយ​ឡែក ចំពោះ​រុស្ស៊ី​វិញ​​​​ បច្ចុប្បន្ន​កំពុង​ពឹង​ផ្អែក​កាន់​តែ​​​ច្រើន​​ឡើង​លើ​ធនាគារ​តូចៗ ដើម្បី​គេច​វេស​ពី​ទណ្ឌកម្ម​អាមេរិក។

ក្នុង​កិច្ច​ប្រជុំ​រដ្ឋមន្ត្រី​ហិរញ្ញវត្ថុ G7 នៅ​ក្នុង​ប្រទេស​អ៊ីតាលី កាល​ពី​ពេល​ថ្មីៗ​កន្លង​ទៅ បាន​លើក​ឡើង​ពី​​ចំណុច​សំខាន់​ពាក់ព័ន្ធ​នឹង​​​ការ​រក​វិធី​ទាញ​យក​​ផល​ចំណេញ​​ពី​​ទណ្ឌកម្ម​បង្កក​មូលនិធិ​​ទ្រព្យ​សម្បត្តិ​​ធនាគារ​កណ្ដាល​​រុស្ស៊ី ដែល​មាន​ចំនួន​ប្រមាណ ២៨០​ពាន់​លាន​ដុល្លារ។ បើ​តាម​គម្រោង ចំណូល​ដែល​អាច​​​ទាញ​​ពី​ផល​ចំណេញ​នេះ មាន​ចំនួន ៥០​ពាន់​លាន​ដុល្លារ ក្នុង​​រយៈពេល​ខ្លី​ខាង​មុខ ហើយ​នឹង​​​​ត្រូវ​យក​​ទៅ​​ប្រើប្រាស់​​ជា​ជំនួយ​ដល់​ប្រទេស​អ៊ុយក្រែន៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

រដ្ឋមន្ត្រី​ការពារ​ជាតិ​អាមេរិក-ចិន ទល់​មុខ​គ្នា​ដោះស្រាយ​ភាព​តានតឹង​ម្ដង​ទៀត ក្រោយ​​ជំនួប​នៅ​កម្ពុជា

ព័ត៌មានជាតិ១០ នាទី មុន

ប្រតិភូយោធាកម្ពុជា ដឹកនាំដោយរដ្ឋមន្ត្រីការពារជាតិ បានចេញដំណើរទៅចូលរួមកិច្ចប្រជុំកំពូលសន្តិសុខអាស៊ី នៅសិង្ហបុរី  

ព័ត៌មានអន្ដរជាតិ២៤ នាទី មុន

តើលោក ត្រាំ អាចឈរឈ្មោះជាបេក្ខជនប្រធានាធិបតីបានទេ ក្រោយត្រូវកាត់ទោស?

ព័ត៌មានជាតិ៣០ នាទី មុន

អភិបាលខេត្តកោះកុង ហាមមន្ត្រី ដាច់ខាតមិនត្រូវគេចវេះការធ្វើតេស្តរកសារធាតុញៀន

ជីវិតកម្សាន្ដ៣៦ នាទី មុន

តុលាការសម្រេចយល់ព្រមលើសំណើសុំដីការបស់ Min Hee Jin ប្រឆាំងនឹងផលិតកម្ម HYBE

សេចក្ដីជូនដំណឹង១៧ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២១ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២១ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៩ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានអន្ដរជាតិ៧ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

Sokha Hotels

ព័ត៌មានពេញនិយម