រុស្ស៊ី ក្លាយជាប្រទេស រងការដាក់ទណ្ឌកម្មច្រើនជាងគេលើលោក

ឥឡូវនេះ រុស្ស៊ី បានក្លាយជាប្រទេសដែលរងការដាក់ទណ្ឌកម្មច្រើនជាងគេបំផុតលើពិភពលោក ជាមួយនឹងការដាក់ទណ្ឌកម្មចំនួន ១៤០៨១ លើបុគ្គលនិងអង្គភាពរបស់រុស្ស៊ី ពោលគឺច្រើនជាង៥ដងឯណោះ បើធៀបនឹងឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន ប្រទេសដែលដាក់ទណ្ឌកម្មប្រឆាំងនឹងរុស្ស៊ីច្រើនជាងគេគឺសហរដ្ឋអាមេរិក ដែលមាន១៩៤៨ បន្ទាប់មកគឺស្វីសមាន១៧៨២ និងកាណាដា មាន១៥៩០។

យោងតាមសាលាគ្រប់គ្រង Yale បានឲ្យដឹងថា ក្រៅពីការដាក់ទណ្ឌកម្ម ក្រុមហ៊ុនជាង ១០០០ ក៏បានចាកចេញពីទីផ្សាររុស្ស៊ីផងដែរ។

គួរបញ្ជាក់ថា កន្លងមក អ៊ីរ៉ង់​ជា​រដ្ឋ​ដែល​ទទួលរង​ទណ្ឌកម្ម​ខ្លាំង​បំផុត​ក្នុង​ប្រវត្តិសាស្ត្រ ដោយ​មាន​ទណ្ឌកម្ម​សកម្ម​ចំនួន ៣៦១៦។

ទន្ទឹមនឹងនេះ ស៊ីរី ជាប្រទេសជាប់ទណ្ឌកម្មច្រើនលំដាប់ទី៣ ដោយទណ្ឌកម្មភាគច្រើន គឺកើតចេញពីព្រឹត្តិការណ៍ជុំវិញជនស៊ីវិលស៊ីរី ដែលចាប់ផ្តើមនៅក្នុងឆ្នាំ២០១១៕

ប្រែសម្រួល៖ Vann Vann

ប្រភព៖ RT

ចុចអាន៖ ២ប្រទេសនៅអាស៊ីអាគ្នេយ៍ អនុបវាទសេចក្តីសម្រេចរបស់ UN លើការថ្កោលទោសរុស្ស៊ី