រុស្ស៊ី កំពុងប្រមូលកងទ័ពមកពី ហ្សកហ្ស៊ី ទៅជួយប្រយុទ្ធនៅ អ៊ុយក្រែន

ក្រសួងការពារជាតិចក្រភពអង់គ្លេសបាននិយាយថា ប្រទេសរុស្ស៊ីកំពុងប្រមូលកងកម្លាំងមកពីប្រទេស ហ្សកហ្ស៊ី វិញ ដើម្បីជួយក្នុងសង្គ្រាមរបស់ខ្លួននៅអ៊ុយក្រែន ដែលនេះជាទង្វើមួយ ត្រូវបានអង់គ្លេសនិយាយថា បង្ហាញពីការបរាជ័យដែលមិននឹកស្មានដល់របស់ទីក្រុងមូស្គូ ក្នុងការវាយលុក។

ក្រសួងការពារជាតិអង់គ្លេស បានបង្ហោះ Twitter ថា “កងទ័ពរុស្ស៊ីទាំងនោះ ចន្លោះពី ១២០០នាក់ ទៅ ២០០០ នាក់កំពុងត្រូវបានរៀបចំឡើងវិញ ជាក្រុមយុទ្ធសាស្ត្រកងវរសេនាតូច ៣ក្រុម”។

ក្រសួងបន្តថា “វាមិនទំនងទេ ដែលរុស្ស៊ីមានគម្រោងបង្កើតការពង្រឹងនៅក្នុងលក្ខណៈបែបនេះ ហើយនេះបង្ហាញពីការខាតបង់មិននឹកស្មានដល់ ដែលរុស្ស៊ីជួបប្រទះក្នុងអំឡុងពេលនៃការលុកលុយ”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ជំនួយយោធារបស់អាមេរិក ដឹកទៅដល់ អ៊ុយក្រែន ហើយ