ព័ត៌មានអន្ដរជាតិ

ដោយសារមូលហេតុធំ ៣ អ៊ុយក្រែន ផ្អាកកែនអ្នកប្រយុទ្ធបរទេស

បានផុស

៤ years មុន

នៅ

ថ្ងៃអាទិត្យ ៣ មេសា ២០២២

ដោយ

អ្នកនាំពាក្យកងកម្លាំងការពារដែនដីរបស់អ៊ុយក្រែនបានប្រាប់កាសែត National Post របស់កាណាដាថា អ៊ុយក្រែនបានផ្អាកការកែនអ្នកប្រយុទ្ធបរទេស ដោយសារកង្វះការហ្វឹកហ្វឺន កង្វះអាវុធ ក៏ដូចជាអ្នកប្រយុទ្ធទាំងនោះត្រូវបានប្រទេសរបស់ពួកគេមួយចំនួនដកសញ្ជាតិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរូបនេះបាននិយាយថា “មូលហេតុចម្បងក្នុងចំណោមមូលហេតុទាំងនោះគឺកង្វះអាវុធ ។ ប៉ុន្តែសភារបស់យើងដែលមានឈ្មោះថា Verkhovna Rada នឹងបោះឆ្នោតថាតើយើងអាចដំណើរការផែនការនេះបន្តទៀតឬយ៉ាងណានោះ” ។

លោក Borys Wrzesnewskyj អតីតសមាជិកសភាគណបក្សសេរីកាណាដាបានប្រាប់កាសែតថា គ្មានយុទ្ធជនណាម្នាក់ដែលគាត់បានសម្ភាសន៍ ធ្វើដំណើរទៅអ៊ុយក្រែននៅឡើយទេ ដោយសារក្រសួងការពារជាតិអ៊ុយក្រែនបានផ្អាកបេសកកម្មជាច្រើនសប្តាហ៍កន្លងមកនេះ ។

លោក Wrzesnewsskyj បានសង្កត់ធ្ងន់ថា “មានផលវិបាកគ្រប់ប្រភេទ ប្រសិនបើមនុស្សមិនបានទទួលការបណ្តុះបណ្តាលឲ្យចូលមកប្រយុទ្ធ” ។ លោកមិនបានផ្តល់ហេតុផលសម្រាប់ការផ្អាកនៅក្នុងយុទ្ធនាការកែនអ្នកប្រយុទ្ធនេះនោះទេ ។

ទន្ទឹមនោះ ការផ្អាកកែនអ្នកប្រយុទ្ធនេះកើតឡើង បន្ទាប់ពីរុស្សីបានធ្វើការវាយប្រហាដោយរកាំជ្រួចមីស៊ីលនាំផ្លូវដ៏ធំមួយទៅលើមូលដ្ឋានហ្វឹកហ្វឺនយោធា Yavoriv នៅភាគខាងលិចអ៊ុយក្រែនប្រហែល ៣ សប្តាហ៍មុន ពោលនៅថ្ងៃទី ១៣ ខែមីនា ខណៈក្រសួងការពារជាតិរុស្ស៊ី (MoD) ប៉ាន់ស្មានថា យុទ្ធជនបរទេសជាង ២០០ នាក់បានស្លាប់ និងជាង ៤០០ នាក់ទៀតរងរបួសក្នុងការវាយប្រហារនោះ ៕