ទីបំផុត ឥណ្ឌា លែងនៅស្ងៀម ជុំវិញសង្គ្រាម រុស្ស៊ី-អ៊ុយក្រែន (មានវីដេអូ)

នៅទីបំផុត ប្រទេសឥណ្ឌានិយាយថា ខ្លួនសូមថ្កោលទោសយ៉ាងដាច់អហង្ការ ចំពោះការសម្លាប់នៅទីក្រុង Bucha និងបានគាំទ្រការអំពាវនាវឲ្យមានការស៊ើបអង្កេតឯករាជ្យលើ “របាយការណ៍ដែលគួរឲ្យព្រួយបារម្ភជាទីបំផុត”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពនៃផ្នូរដ៏ធំ និងសាកសពជនស៊ីវិល ដែលហាក់ដូចជាត្រូវបានគេសម្លាប់នៅតាមទីសាធារណៈ គឺជារឿងដ៏គួរឲ្យតក់ស្លុតបំផុត ដែលបានផុសចេញពីប្រទេសអ៊ុយក្រែន។

ការថ្កោលទោសរបស់ឥណ្ឌានៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃអង្គារទី០៥ខែមេសា គឺជាសេចក្តីថ្លែងការណ៍ខ្លាំងក្លាបំផុតរបស់ប្រទេសនេះ ស្តីពីអ៊ុយក្រែននិងរុស្ស៊ី ចាប់តាំងពីសង្រ្គាមផ្ទុះឡើង។

មកទល់ពេលនេះ ប្រទេសឥណ្ឌាបានបដិសេធ បោះឆ្នោតលើសេចក្តីសម្រេចនៅក្រុមប្រឹក្សាសន្តិសុខអង្គការសហប្រជាជាតិ មហាសន្និបាតអង្គការសហប្រជាជាតិ និងនៅក្រុមប្រឹក្សាសិទ្ធិមនុស្សអង្គការសហប្រជាជាតិ ក្នុងការថ្កោលទោសសកម្មភាពរបស់រុស្ស៊ី។

គួរបញ្ជាក់ថា ឥណ្ឌាមានប្រវត្តិយូរអង្វែង ក្នុងការបន្តយុទ្ធសាស្ត្រមិនចូលបក្សសម្ព័ន្ធនៅក្នុងនយោបាយអន្តរជាតិ ប៉ុន្តែ​ទង្វើ​នៃ​តុល្យភាព​ការទូត​របស់​ខ្លួន ​កំពុង​រង​សម្ពាធ​ពី​បណ្តា​ប្រទេស​លោកខាងលិច​ឲ្យ​ជួយ​ទប់ស្កាត់​រុស្ស៊ី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ប្រទេស EU ទី១ ដឹកសព្វាវុធវាយលុក តាមរថភ្លើងទៅឲ្យ អ៊ុយក្រែន ដោយផ្ទាល់