ព័ត៌មានអន្ដរជាតិ
រុស្ស៊ី ចោទថា លោកខាងលិចកំពុងជួយអ៊ុយក្រែន រៀបចំការចោទប្រកាន់ក្លែងក្លាយ ធ្វើបាបខ្លួន
ទីក្រុងមូស្គូបាននិយាយកាលពីថ្ងៃចន្ទទី១១ខែមេសាថា សហរដ្ឋអាមេរិក និងអង់គ្លេសកំពុងជួយអ៊ុយក្រែន រៀបចំការអះអាងក្លែងក្លាយ អំពីការធ្វើទុក្ខបុកម្នេញលើជនស៊ីវិលក្នុងប្រទេសអ៊ុយក្រែន ដើម្បីផ្តល់ព័ត៌មានដល់ប្រព័ន្ធផ្សព្វផ្សាយអន្តរជាតិ ក្នុងការប៉ុនប៉ងធ្វើបាបរុស្ស៊ី។
ចាប់តាំងពីទាហានរុស្ស៊ីបានដកខ្លួនចេញពីទីប្រជុំជន និងភូមិនានាជុំវិញរដ្ឋធានី កៀវ របស់អ៊ុយក្រែនមក ទាហានអ៊ុយក្រែន បានបង្ហាញសាកសពអ្នកកាសែត នៃអ្វីដែលពួកគេនិយាយថា ជាជនស៊ីវិលដែលត្រូវបានសម្លាប់ដោយកងកម្លាំងរុស្ស៊ី ផ្ទះសម្បែងដែលត្រូវបំផ្លាញ និងរថយន្តដែលឆេះខ្ទេចអស់គ្មានសល់។
ស្របពេលជាមួយគ្នានោះដែរ លោកខាងលិចនិយាយថា ជនស៊ីវិលដែលស្លាប់គឺជាភស្តុតាងនៃឧក្រិដ្ឋកម្មសង្គ្រាម។
ប៉ុន្តែក្រសួងការពារជាតិរុស្ស៊ីអះអាងថា រដ្ឋាភិបាលអ៊ុយក្រែនកំពុងត្រូវបានដឹកនាំដោយសហរដ្ឋអាមេរិក ឲ្យសាបព្រួសភ័ស្តុតាងមិនពិតនៃអំពើហិង្សារបស់រុស្ស៊ីលើជនស៊ីវិល។
ក្រសួងបន្តថា “សហរដ្ឋអាមេរិក ដែលមានបទពិសោធន៍ច្រើនឆ្នាំក្នុងការរៀបចំទង្វើបង្កហេតុជាមួយជនរងគ្រោះជាមនុស្ស បានបន្តយុទ្ធនាការរបស់ខ្លួនដើម្បីបង្កើត និងផ្សព្វផ្សាយភ័ស្តុតាងមិនពិត”។
រុស្ស៊ីនិយាយថា ចារកម្មអង់គ្លេសកំពុងជួយអ៊ុយក្រែនក្នុងការរៀបចំការអះអាងក្លែងក្លាយថ្មីៗ អំពីការរំលោភបំពានដែលត្រូវបានចោទប្រកាន់នៅភាគឦសានប្រទេសអ៊ុយក្រែន។
យ៉ាងណាក្តី ក្រសួងការពារជាតិមិនបានផ្តល់ភ័ស្តុតាងសម្រាប់ការអះអាងរបស់ខ្លួន អំពីការជាប់ពាក់ព័ន្ធរបស់អង់គ្លេស និងសហរដ្ឋអាមេរិកទេ។
ក្រសួងលើកឡើងថា “ការញុះញង់ក្លែងក្លាយថ្មីៗ ដែលចោទប្រកាន់កងកម្លាំងប្រដាប់អាវុធនៃសហព័ន្ធរុស្ស៊ីពីបទប្រព្រឹត្តិអំពើឃោរឃៅលើប្រជាជនអ៊ុយក្រែន កំពុងត្រូវបានរៀបចំឡើងដោយទីក្រុង កៀវ ក្រោមការដឹកនាំនៃសេវាកម្មពិសេសរបស់អង់គ្លេស នៅលើទឹកដីនៃតំបន់ Sumy”។
អ្នកកាសែតលោកខាងលិចត្រូវបានអញ្ជើញទៅកាន់តំបន់ Sumy ភាគឦសានប្រទេសអ៊ុយក្រែន ដើម្បីថតឈុតឆាក។ ប្រព័ន្ធផ្សព្វផ្សាយលោកខាងលិចនឹងផ្សាយព័ត៌មានក្លែងក្លាយបែបនេះក្នុងពេលឆាប់ៗ៕
ប្រែសម្រួល៖ Vann Vann
ប្រភព៖ Reuters
ចុចអាន៖ ប្រធានាធិបតីអ៊ុយក្រែន ចោទថា កងកម្លាំងរុស្ស៊ីអាចប្រើ អាវុធគីមី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ