តម្លៃប្រេងអាចឡើងខ្ពស់ជាងមុនទៅទៀត បើ អឺរ៉ុប ធ្វើរឿងនេះដាក់ រុស្ស៊ី

ដោយដកស្រង់សម្ដីរបស់រដ្ឋមន្ត្រីថាមពលរុស្ស៊ីលោក Nikolay Shulginov, ទីភ្នាក់ងារសារព័ត៌មានរដ្ឋ RIA បានរាយការណ៍ថា តម្លៃប្រេងអាចឡើងដល់ ១៥០ ដុល្លារក្នុងមួយបារ៉ែល ប្រសិនបើសហភាពអឺរ៉ុបហាមឃាត់ការនាំចូលប្រេងពីរុស្ស៊ី ។

លោក Shulginov បាននិយាយនៅក្នុងបទសម្ភាសន៍ជាមួយកាសែត Izvestia ថា “តម្លៃប្រេងក្នុងចន្លោះពី ៨០ ទៅ ១៥០ ដុល្លារក្នុងមួយបារ៉ែលគឺជាគោលការណ៍អាចធ្វើទៅបាន ប៉ុន្តែភារកិច្ចរបស់យើងគឺធានាឲ្យល្អនូវដំណើរការនៃឧស្សាហកម្មប្រេង” ។

លោករដ្ឋមន្ត្រីក៏បានបន្ថែមដែរថា រុស្ស៊ីត្រៀមខ្លួនជាស្រេចក្នុងការផ្គត់ផ្គង់ប្រេងដល់ប្រទេសជាសម្ព័ន្ធមិត្តក្នុងតម្លៃណាក៏ដោយ” ។

គួរបញ្ជាក់ថា រហូតមកដល់ពេលនេះសហរដ្ឋអាមេរិកបានហាមប្រាមការនាំចូលប្រេង និងឧស្ម័នពីប្រទេសរុស្ស៊ី ប៉ុន្តែសហភាពអឺរ៉ុបនៅតែកំពុងជជែកវែកញែកអំពីរបៀបដាក់កម្រិតលើការនាំចូលប្រេងទៅក្នុងសំណុំវិធានការសេដ្ឋកិច្ចបន្ទាប់របស់ខ្លួនប្រឆាំងនឹងរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក Zelensky សុំដោះដូរមិត្តជិតស្និទ្ធរបស់ Putin ដែលទើបចាប់បាន ជាមួយពលរដ្ឋ អ៊ុយក្រែន