រុស្ស៊ី ជំរុញកងកម្លាំងអ៊ុយក្រែនកំពុងប្រយុទ្ធនៅ Mariupol ទម្លាក់អាវុធចុះ

នៅថ្ងៃអាទិត្យទី១៧ខែមេសានេះ ប្រទេសរុស្ស៊ី បានសន្យាសង្គ្រោះជីវិតទាហានអ៊ុយក្រែនដែលកំពុងប្រយុទ្ធនៅក្នុងទីក្រុងកំពង់ផែសំខាន់ Mariupol ប៉ុន្តែក្នុងករណីពួកគេទម្លាក់អាវុធចុះ។

រដ្ឋាភិបាលរុស្ស៊ីបាននិយាយថា ទាហានអ៊ុយក្រែន និងទាហានស៊ីឈ្នួលបរទេស ដែលនៅតែកំពុងប្រយុទ្ធក្នុងទីក្រុង Mariupol អាចដាក់អាវុធរបស់ពួកគេនៅចន្លោះម៉ោង ០៦:០០ ដល់ម៉ោង ១៣:០០ (ម៉ោងនៅទីក្រុងមូស្គូ) ហើយសុវត្ថិភាពរបស់ពួកគេនឹងត្រូវបានធានា។ អ្នកដែលធ្វើដូច្នេះ នឹងត្រូវបានចាត់ទុកស្របតាមអនុសញ្ញាក្រុងហ្សឺណែវស្តីពីអ្នកទោសសង្រ្គាម។

យ៉ាងណាក្តី សេចក្តីថ្លែងការណ៍នោះមិនបាននិយាយថា នឹងមានអ្វីកើតឡើងចំពោះទាហាន ដែលបដិសេធបញ្ឈប់ការប្រយុទ្ធនោះទេ ខណៈសំណើនេះត្រូវបានធ្វើឡើងនៅលើគោលការណ៍មនុស្សធម៌សុទ្ធសាធ។

រុស្ស៊ីនិយាយថា ទាហានអ៊ុយក្រែន ដែលនៅសេសសល់ក្នុងទីក្រុងនេះ គឺកំពុងប្រមូលផ្តុំនៅក្នុងទីតាំងតូចមួយជុំវិញតំបន់ Azovstal៕

ប្រែសម្រួល៖ សន្យា

ប្រភព៖ BBC

ចុចអាន៖ អាមេរិក លើក ៤ចំណុច ដែលអាចបណ្តាលឲ្យនាវាចម្បាំងរុស្ស៊ី លិច