រុស្ស៊ី ដាក់បម្រាមធ្វើដំណើរលើពលរដ្ឋអាមេរិក រួមទាំងលោកស្រី Harris និងលោក Zuckerberg ផងដែរ

ក្រសួងការបរទេសរុស្ស៊ីបានបន្ថែមពលរដ្ឋអាមេរិកថ្មីចំនួន ២៩ នាក់ចូលទៅក្នុង “បញ្ជីហាមឃាត់” របស់ខ្លួន ដោយក្នុងនោះមានរួមទាំងអនុប្រធានាធិបតីសហរដ្ឋអាមេរិកលោកស្រី Kamala Harris និងនាយកប្រតិបត្តិក្រុមហ៊ុន Meta លោក Mark Zuckerberg ផងដែរ។

សេចក្តីថ្លែងការណ៍មួយដែលបានចេញផ្សាយនៅលើគេហទំព័ររបស់ក្រសួងកាលពីថ្ងៃព្រហស្បតិ៍ទី២១ខែមេសាបាននិយាយថា អ្នកដែលត្រូវបន្ថែមចូលទៅក្នុងបញ្ជីគឺមានមេដឹកនាំកំពូល អ្នកតំណាងសហគមន៍ធុរកិច្ច អ្នកសិក្សា និងអ្នកកាសែតដែលបង្កើតរបៀបវារៈប្រឆាំងរុស្ស៊ី ក៏ដូចជាប្តីប្រពន្ធរបស់មន្ត្រីជាន់ខ្ពស់មួយចំនួនផងដែរ។

បុគ្គលទាំងអស់ ត្រូវបានហាមប្រាមមិនឲ្យចូលសហព័ន្ធរុស្ស៊ី ជាការឆ្លើយតបទៅនឹងទណ្ឌកម្មប្រឆាំងរុស្សីដែលកំពុងរីករាលដាល។

គួរបញ្ជាក់ថា រឿងនេះបានកើតឡើងភ្លាមៗបន្ទាប់ពីប្រធានាធិបតីអាមេរិកលោក Joe Biden បានប្រកាសដាក់ទណ្ឌកម្មថ្មីលើពលរដ្ឋរុស្ស៊ី និងផ្តល់ជំនួយយោធាក្នុងទំហំទឹកប្រាក ៨០០ លានដុល្លារដល់អ៊ុយក្រែន៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន ត្រូវការជំនួយបរទេស ៧ ពាន់លានដុល្លារក្នុងមួយខែ