ប៉ូឡូញ លួចទិញឧស្ម័ន រុស្ស៊ី ពីប្រទេស ណាតូ មួយនេះវិញ ក្រោយមិន ទូទាត់ជាប្រាក់រូបិ៍ល

ក្រុមហ៊ុនថាមពលយក្សរបស់រុស្ស៊ី Gazprom បាននិយាយថា ប្រទេសប៉ូឡូញបន្តទិញឧស្ម័នធម្មជាតិរុស្ស៊ីពីប្រទេសអាល្លឺម៉ង់ជំនួសវិញ បន្ទាប់ពីការផ្គត់ផ្គង់ដោយផ្ទាល់របស់ខ្លួនត្រូវបានផ្អាក ដោយសារតែការមិនបង់ជាប្រាក់រូបិ៍ល ។

ក្រុមហ៊ុន Gazprom បានប្រកាសពីការបញ្ឈប់ទាំងស្រុងនៃការនាំចេញឧស្ម័នទៅកាន់ប្រទេសប៉ូឡូញកាលពីថ្ងៃពុធ ស្របតាមយន្តការទូទាត់ប្រាក់ថ្មីមួយដែលបានចាប់ផ្តើមនៅដើមខែនេះ ។

យោងតាមក្រុមហ៊ុន Gazprom បានឲ្យដឹងថា ការផ្គត់ផ្គង់ឧស្ម័នទៅប៉ូឡូញនឹងមិនបន្តនោះទេ រហូតដល់ទីក្រុង Warsaw គោរពតាមលក្ខខណ្ឌថ្មី ខណៈការដឹកជញ្ជូនទៅកាន់ប្រទេសប៊ុលហ្គារីក៏ត្រូវបានបញ្ឈប់ផងដែរ សម្រាប់ហេតុផលដូចគ្នានេះ ។

ទន្ទឹមនោះ ទិន្នន័យពីប្រតិបត្តិករអាល្លឺម៉ង់នៃបណ្តាញបញ្ជូនឧស្ម័ន Gascade បានបង្ហាញថា ប្រទេសប៉ូឡូញបានបង្កើនការដេញថ្លៃរបស់ខ្លួនសម្រាប់ការផ្គត់ផ្គង់ឧស្ម័នពីប្រទេសអាឡឺម៉ង់ចំនួន ៥ ដងកាលពីថ្ងៃពុធ ។

គួរបញ្ជាក់ថា កាលពីថ្ងៃព្រហស្បតិ៍រុស្ស៊ីប្រកាសលែងផ្គត់ផ្គង់ឧស្ម័នទៅឲ្យប៉ូឡូញ និងប៊ុលហ្គារីទៀតហើយ បន្ទាប់ពីប្រទេសទាំងនេះបដិសេធទូទាត់លើការផ្គត់ផ្គង់របស់ពួកគេជាប្រាក់ រូបិ៍ល ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី នឹងមិនអាចកាន់កាប់ភាគខាងកើត អ៊ុយក្រែន មុន “ទិវាជ័យជម្នះ” របស់អតីតសហភាពសូវៀតឡើយ