Connect with us

ព័ត៌មានអន្ដរជាតិ

តុលាការ​​អន្តរជាតិ​ ICC​ បញ្ជូន​​ក្រុម​​ស៊ើប​​អង្កេត​​ធំ​​មិន​​ធ្លាប់​​មាន​​ទៅ​​អ៊ុយក្រែន

បានផុស

នៅ

កាល​ពី​ថ្ងៃ​អង្គារ៍ម្សិល​មិញ​នេះ តុលាការ​ឧក្រិដ្ឋ​កម្ម​អន្តរជាតិ (ICC) បាន​បញ្ជូន​ក្រុម​ស៊ើប​អង្កេត​ចំនួន​​៤២​នាក់​ទៅ​ប្រទេស​អ៊ុយក្រែន​ដើម្បី​ស៊ើប​អង្កេត​សង្គ្រាម​ដែល​ត្រូវ​បាន​ចោទ​ប្រកាន់​ជា​ឧក្រិដ្ឋកម្ម ចាប់​តាំង​ពី​ប្រទេស​រុស្ស៊ី​បាន​ធ្វើ​ការ​វាយ​ប្រហារលើ​អ៊ុយក្រែន។

ការ​បញ្ជូន​ក្រុម​ស៊ើប​អង្កេត​ដែល​មានស​មាជិក​ដ៏​ច្រើន​នេះ​ត្រូវ​បាន​ចាត់​ទុក​ថា ជា​ការ​បញ្ជូន​ក្រុម​ការងារ​ស៊ើប​អង្កេត​ច្រើន​បំផុត​មិន​ធ្លាប់​មាន​ក្នុង​ប្រវត្តិ​សាស្ត្រ​របស់​ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Karim Khan ប្រធាន​រដ្ឋអាជ្ញា​របស់​តុលាការ​អន្តរជាតិ​ប្រចាំ​ទី​ក្រុង​ឡាអេ​បាន​ឲ្យ​ដឹង​ថា ក្រុម​ការងារ​នេះ​មាន ​អ្នក​ស៊ើបអង្កេត អ្នកជំនាញផ្នែកកោសល្យវិច្ច័យ និងបុគ្គលិកគាំទ្រ ហើយនឹងធ្វើការជាមួយអាជ្ញាធរអ៊ុយក្រែន។

«នេះ​តំណាង​ឲ្យ​ក្រុម​ការងារ​តែ​មួយ​ធំ​បំផុត​មិន​ធ្លាប់​មាន​​ដោយ​ការិយាល័យ​របស់​ខ្ញុំ​ចាប់​តាំង​ពី​ត្រូវ​បាន​បង្កើត​ឡើង»។ លោក Khan បាន​និយាយ​ក្នុង​សេចក្តី​ថ្លែង​ការណ៍។ ICC ត្រូវ​បាន​​បង្កើត​ឡើង​ក្នុង​ឆ្នាំ​២០០២​ដើម្បី​ស៊ើប​អង្កេត​ឧក្រិដ្ឋ​កម្ម​ធ្ងន់​ធ្ងរ​បំផុត​របស់​ពិភព​លោក។

លោក​បាន​ឲ្យ​ដឹង​ថា ៖«ក្រុម​ស៊ើប​អង្កេត​នឹង​ជំរុញ​ការ​ស៊ើប​អង្កេត​របស់​យើង​នៅ​ក្នុង​ឧក្រិដ្ឋកម្ម​ដែល​ធ្លាក់​ចូល​ក្នុង​យុត្តាធិការរបស់​តុលាការ​ឧក្រិដ្ឋកម្ម​អន្តរជាតិ និង​ផ្តល់​ការ​គាំទ្រ​ដល់​អាជ្ញាធរ​ជាតិ​អ៊ុយក្រែន»

លោក Khan បាន​អរគុណ​ដល់​ប្រទេស​ហុល្លង់​ដែល​ជា​កន្លែង​តុលាការ​សម្រាប់​កា​រ​បញ្ជូន​អ្នក​ជំនាញ​ជាតិ​របស់​ខ្លួន​មួយ​ចំនួន​ដើ​ម្បី​ជួយ​ក្នុង​បេសកកម្ម​នេះ។

លោក​បាន​ឲ្យ​ដឹង​ទៀត​ថា តុលាការ​ឧក្រិដ្ឋកម្ម​អន្តរជាតិ​ក៏​នឹង​ធ្វើ​ការ​ជា​មួយ​អ្នក​ជំនាញ​បារាំង​ដែល​ស្ថិត​នៅ​ក្នុង​ប្រទេស​អ៊ុយក្រែន​ស្រាប់។

រដ្ឋអាជ្ញា ICC បាន​ប្រកាស​ពី​គម្រោង​ស៊ើប​អង្កេត​ជុំ​វិញ​សង្គ្រាម​ដែល​ត្រូវ​បាន​ចោទ​ពី​​​ឧក្រិដ្ឋកម្ម និង​​ឧក្រិដ្ឋកម្ម​ប្រឆាំងនឹង​មនុស្ស​ជាតិ​​ក្នុង​រយៈ​ពេល​ត្រឹម​តែ​៤​ថ្ងៃ បន្ទាប់​ពី​រុស្ស៊ី​ធ្វើ​ការ​វាយ​ប្រហារ​កាល​ពី​ថ្ងៃ​ទី​២៤ ខែ​កុម្ភៈ។

លោក Khan ​បាន​ធ្វើ​ទស្សនកិច្ច​ទៅ​ប្រទេស​អ៊ុយក្រែន​កាល​ពី​ខែ​មេសា​ដោយ​បាន​ធ្វើ​ដំណើរ​ទៅ​កាន់​​ទី​ក្រុង Bucha ជាយ​ទី​ក្រុង​កៀវ​ដែល​ជា​កន្លែង​អ្នក​កាសែត​ AFP ​បាន​ឃើញ​សាក​សព​យ៉ាង​ហោច​ណាស់​២០​នាក់​នៅ​តាម​ផ្លូវ​កាល​ពី​ថ្ងៃ​ទី​២ ខែ​មេសា។ ទិដ្ឋភាព​នោះ លោក​បាន​និយាយ​ថា អ៊ុយក្រែនគឺ​ជា​កន្លែង​ឧក្រិដ្ឋកម្ម៕

ប្រែ​សម្រួល៖ វីរបុត្រ
ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤៩ នាទី មុន

ប្រជាពលរដ្ឋ​នៅ​ខណ្ឌដង្កោ បាត់​លិខិត​ផ្ទេរសិទ្ធិ​កាន់កាប់​ប្រើប្រាស់​ដីធ្លី និង​ផ្ទះសម្បែង​ច្បាប់ដើម​១ និង​មិន​ទទួលខុសត្រូវ​ចំពោះ​អ្នក​ដែល​រើស​បាន ហើយ​យកទៅ​ប្រើប្រាស់​ខុសច្បាប់

ព័ត៌មានអន្ដរជាតិ២ ម៉ោង មុន

ម៉ិកស៊ិក ចាប់ស្ដេចគ្រឿងញៀនដ៏ល្បីឈ្មោះ ដែលធ្លាប់សម្លាប់ភ្នាក់ងារ អាមេរិក កាលជិត ៤០ ឆ្នាំមុន

ព័ត៌មានអន្ដរជាតិ២ ម៉ោង មុន

អឺរ៉ុប “កំពុងបាញ់សួតខ្លួនឯង” ពីការដាក់ទណ្ឌកម្មលើ រុស្ស៊ី

ព័ត៌មានអន្ដរជាតិ២ ម៉ោង មុន

RUFA និងអាជ្ញាធរជាតិព្រះវិហារ ផ្តល់ថវិកាដល់អ្នកស្រាវជ្រាវ តំបន់ព្រះវិហារ និងកោះកេរ

ព័ត៌មានជាតិ៣ ម៉ោង មុន

សម្តេច ហេង សំរិន៖ ​​ជោគជ័យ​​លើការ​បោះឆ្នោត​ឃុំ​-សង្កាត់ ​​បញ្ជាក់ថា ប្រជាជន​​ត្រូវ​ការគណបក្សប្រជាជនដឹកនាំ​បន្ត​

Sokha Hotels

ព័ត៌មានពេញនិយម