ប្រទេសចំនួន ៥ ដាក់សំណើស៊ើបអង្កេតឧក្រិដ្ឋកម្មសង្រ្គាមនៅប៉ាឡេស្ទីនទៅតុលាការអន្តរជាតិ ICC

រដ្ឋអាជ្ញានៃតុលាការឧក្រិដ្ឋកម្មអន្តរជាតិ ICC នៅថ្ងៃសុក្រ ទី១៧ ខែវិច្ឆិកា ឆ្នាំ២០២៣ បានឱ្យដឹងថា ខ្លួនបានទទួលសំណើរួមគ្នាមួយពីប្រទេសចំនួន ៥ ដើម្បីស៊ើបអង្កេតស្ថានភាពនៅលើទឹកដីប៉ាឡេស្ទីន។

រដ្ឋអាជ្ញា Karim Kahn បាននិយាយថា សំណើរួមគ្នានោះលោកបានទទួលមកពីអាហ្វ្រិកខាងត្បូង បង់ក្លាដែស បូលីវី កូម៉ូរ៉ូ និងជីប៊ូទី ខណៈអាហ្រ្វិកខាងត្បូងថាសំណើរបស់ពួកគេត្រូវបានធ្វើឡើងដើម្បីធានាថា ICC យកចិត្តទុកដាក់ចំពោះស្ថានភាពធ្ងន់ធ្ងរនៅប៉ាឡេស្ទីន។

នៅក្នុងសេចក្តីថ្លែងការណ៍មួយ ការិយាល័យរបស់រដ្ឋអាជ្ញាបាននិយាយថា រហូតមកដល់ពេលនេះ ខ្លួនបានប្រមូលព័ត៌មាន និងភស្តុតាងយ៉ាងច្រើនស្តីពីឧក្រិដ្ឋកម្មនៅក្នុងទឹកដីប៉ាឡេស្ទីនរួចហើយ។ យ៉ាងណាមិញ ដំណើរការនៃការស៊ើបអង្កេតឧក្រិដ្ឋកម្មមួយនេះ ហាក់មិនទាន់ប្រព្រឹត្តទៅដោយរលូនឡើយ៕

ប្រែសម្រួល៖ សន្យា

ប្រភព៖ Reuters

ចុចអាន៖ រុស្ស៊ី គំរាមវាយប្រហារលោកខាងលិច ជាមួយមីស៊ីលនុយក្លេអ៊ែរល្បឿនលឿន​ជាង​សំឡេងដ៏ពិសេស