ព័ត៌មានអន្ដរជាតិ
តួកគី ព្រមឲ្យស៊ុយអែត និងហ្វាំងឡង់ចូលណាតូ លុះត្រាតែលក្ខខណ្ឌ ទាំងនេះកើតឡើង
សារព័ត៌មាន Bloomberg បានរាយការណ៍កាលពីថ្ងៃអង្គារថា ប្រទេសតួកគីនឹងយល់ព្រមឲ្យស៊ុយអែត និងហ្វាំងឡង់ចូលជាសមាជិករបស់អង្គការណាតូ ប្រសិនបើបណ្ដាប្រទេសនៅអឺរ៉ុបបញ្ចប់ការរឹតបន្តឹងលើការនាំចេញអាវុធ ហើយអាមេរិកដកទណ្ឌកម្មសម្រាប់ប្រព័ន្ធខែលការពារដែនអាកាស S-400 ដែលតួកគីទិញពីរុស្ស៊ី ។
មន្ត្រីជាន់ខ្ពស់តួកគី ៣ រូបបានប្រាប់ទីភ្នាក់ងារនេះថា “តួកគីបានទាមទារឲ្យស៊ុយអែត និងហ្វាំងឡង់ រួមជាមួយនឹងបណ្តាប្រទេសអឺរ៉ុបផ្សេងទៀត បញ្ចប់ការរឹតបន្តឹងការនាំចេញអាវុធ ដែលពួកគេបានដាក់លើតួកគី បន្ទាប់ពីប្រតិបត្តិការសន្តិភាពនិទាឃរដូវនៅភាគឦសានប្រទេសស៊ីរីក្នុងឆ្នាំ ២០១៩ ក្នុងគោលបំណងបណ្ដេញអង្គភាពការពារឃឺដ (YPG) ឲ្យនៅឆ្ងាយពីព្រំដែនរបស់ខ្លួន និងបង្កើតតំបន់សុវត្ថិភាពដើម្បីលើកទឹកចិត្តជនភៀសខ្លួនស៊ីរីឲ្យត្រឡប់ទៅផ្ទះរបស់ពួកគេវិញ” ។
លើសពីនេះ ទីក្រុងអង់ការ៉ាក៏បានទទូចដល់ស៊ុយអែត និងហ្វាំងឡង់ឲ្យទទួលស្គាល់ការព្រួយបារម្ភរបស់ខ្លួនអំពីកងជីវពលឃឺដ ទាំងនៅក្នុងប្រទេសតួកគី និងឆ្លងកាត់ព្រំដែនរបស់ខ្លួននៅក្នុងប្រទេសស៊ីរី និងអ៊ីរ៉ាក់ផងដែរ ។
ទន្ទឹមនោះទីក្រុងអង់ការ៉ាក៏មានការទាមទារផ្សេងទៀតដល់សម្ពន្ធមិត្តណាតូរបស់ខ្លួនផងដែរ ដោយក្នុងចំណោមនោះគឺការបន្តកម្មវិធីផលិតយន្តហោះចម្បាំង F-35 របស់អាមេរិកដែលទីក្រុងអង់ការ៉ាត្រូវបានដកចេញ បន្ទាប់ពីទទួលបានប្រព័ន្ធ S-400 របស់រុស្ស៊ី ។ ទីក្រុងអង់ការ៉ាបានទាមទារទៀតដល់សហរដ្ឋអាមេរិកឲ្យអនុញ្ញាតដល់តួកគីទិញយន្តហោះ F-16 រាប់សិបគ្រឿង និងធ្វើឲ្យប្រសើរឡើងនូវឧបករណ៍សម្រាប់កងនាវារបស់ខ្លួនផងដែរ ។
គួរបញ្ជាក់ថា លោកប្រធានាធិបតីតួកគី Recep Tayyip Erdogan បានធ្វើការជំទាស់ចំពោះការចូលជាសមាជិកភាពរបស់ស៊ុយអែត និងហ្វាំងឡង់ក្នុងអង្គការណាតូ ដោយសារតែប្រទេសទាំងនេះបានបដិសេធមិនធ្វើបត្យាប័ន “ភេរវករ” និងដាក់ទណ្ឌកម្មប្រឆាំងនឹងទីក្រុងអង់ការ៉ា ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ