លោក Zelensky បង្ហាញខ្លួន​ជាមួយ​ភរិយា​ ​លើក​ដំបូង​ ចាប់​តាំង​ពី​សង្គ្រាម​ផ្ទុះឡើង

លោក Volodymyr Zelensky ត្រូវបានគេឃើញជាមួយភរិយា លោកស្រី Olena ជាលើកដំបូងចាប់តាំងពីរុស្ស៊ីវាយលុកអ៊ុយក្រែនកាលពីជិតបីខែមុន ខណៈអ្នកទាំងពីរបានចូលរួមពិធីបុណ្យសពប្រធានាធិបតីទីមួយរបស់ប្រទេសក្នុងទីក្រុង កៀវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយស្លៀកពាក់ខ្មៅ, លោក Zelenskys ប្រែស្ងប់ស្ងាត់ ប៉ុន្តែមើលទៅហាក់ហត់នឿយ នៅពេលលោកនិងភរិយា ដើររួមគ្នាទៅដាក់ផ្កាលើមឈូសរបស់លោក Leonid Kravchuk។ លោក Kravchuk បានទទួលមរណភាពកាលពីចុងសប្តាហ៍នៅ អាយុ ៨៨ ឆ្នាំបន្ទាប់ពី មានជំងឺយូរមកហើយ។

អ្នកទាំងពីរត្រូវបានចូលរួមដោយឥស្សរជនផ្សេងទៀត រួមទាំងអភិបាលក្រុង កៀវ លោក Vitaly Klitschko ផងដែរនៅពេលដែលពិធីបុណ្យសពបានធ្វើឡើងនៅវិមាន Ukrainian House កាលពីថ្ងៃអង្គារទី១៧ខែឧសភា ក្នុងទីក្រុងមួយដែលនៅតែព្យាយាមស្តារឡើងវិញពីការប៉ុនប៉ងរបស់រុស្ស៊ីក្នុងការដណ្តើមយក។

ការបង្ហាញខ្លួនរបស់លោកស្រី Olena កើតឡើងមួយខែ បន្ទាប់ពីលោកស្រីបង្ហាញថា លោកស្រីបាននិយាយជាមួយស្វាមីតាមទូរសព្ទចាប់តាំងពីសង្គ្រាមផ្ទុះឡើង ដោយសារខ្លាចថា ការទៅចូលរួមជាមួយគាត់នៅរដ្ឋធានីអ៊ុយក្រែន នឹងធ្វើឲ្យលោកស្រី និងកូនតូចពីរនាក់របស់ពួកគេប្រឈមនឹងការស្លាប់។

ទោះបីជាយ៉ាងណាក៏ដោយ គេមិនច្បាស់ទេថាតើពេលណា លោកស្រីត្រលប់មកទីក្រុង កៀវ វិញប៉ុន្តែប្តីប្រពន្ធមួយគូនេះ បានបែកគ្នាអស់រយៈពេលយ៉ាងតិចប្រាំមួយសប្តាហ៍មកហើយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក ពូទីន ថា អឺរ៉ុបសម្លាប់សេដ្ឋកិច្ចខ្លួនឯង ដោយការដាក់ទណ្ឌកម្ម រុស្ស៊ី