អាមេរិក ជាប្រទេសតែមួយគត់មានជនស៊ីវិលប្រើប្រាស់កាំភ្លើងច្រើនជាងគេ លើលោក

អង្គការស្ទាបស្ទង់អាវុធខ្នាតតូច (SAS) ដែលមានមូលដ្ឋាននៅប្រទេសស្វីសបាននិយាយថា សហរដ្ឋអាមេរិកគឺជាប្រទេសតែមួយគត់នៅក្នុងពិភពលោកដែលជនស៊ីវិលមានកាំភ្លើងប្រើប្រាស់ច្រើនជាងគេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន CNN បានរាយការណ៍ដោយដកស្រង់ការស្ទង់មតិនេះថា អាមេរិកក៏ជាប្រទេសតែមួយគត់ផងដែរដែលមានការបាញ់ប្រហារទ្រង់ទ្រាយធំកើតឡើងយ៉ាងតិចម្ដងជារៀងរាល់ឆ្នាំ ។

ការស្រាវជ្រាវរបស់ SAS ប៉ាន់ប្រមាណថា ជនជាតិអាមេរិកមានកាំភ្លើងចំនួន ៣៩៣ លានដើមក្នុងចំណោមកាំភ្លើងសរុប ៨៥៧ លានដើម ហើយតួលេខនេះត្រូវគ្នាទៅនឹង ៤៦ ភាគរយនៃកាំភ្លើងសរុបនៅក្នុងពិភពលោក ។

របាយការណ៍បាននិយាយថា កាំភ្លើងចំនួន ១២០.៥ ដើមគឺមានក្នុងដៃចំណោមជនជាតិអាមេរិក ១០០ នាក់ ដែលជាតួលេខគួរឲ្យភ្ញាក់ផ្អើលមួយ បន្ទាប់ពីមានការបាញ់ប្រហារដ៏ធំកាលពីថ្ងៃអង្គារនៅឯសាលាបឋមសិក្សា Robb ក្នុងរដ្ឋតិចសាស់ ដែលបានសម្លាប់មនុស្ស ២១ នាក់ភាគច្រើនជាកុមារ ។

ចំណែកកោះ Falkland ស្ថិតនៅលំដាប់ទី ២ បន្ទាប់ពីសហរដ្ឋអាមេរិកដែលមានកាំភ្លើងប្រហែល ៦២ ដើមក្នុងមនុស្ស ១០០ នាក់ ខណៈយេម៉ែនដែលជាប្រទេសរ៉ាំរ៉ៃដោយសង្រ្គាមមានអត្រាកាន់កាប់កាំភ្លើងខ្ពស់បំផុតទី ៣ ពោលមានកាំភ្លើង ៥៣ ដើមក្នុងមនុស្ស ១០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ខ្មាន់កាំភ្លើងរដ្ឋតិចសាស់ ដើរចូលទៅបាញ់ក្នុងសាលា ដោយមិនមានការរារាំងអ្វីទាំងអស់