ព័ត៌មានអន្ដរជាតិ
រុស្ស៊ី ថា ការបញ្ជូនអាវុធរបស់ អាមេរិក ទៅឲ្យ អ៊ុយក្រែន ដូច “ចាក់សាំង បន្ថែមលើភ្លើងកំពុងឆេះ”
អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃពុធថា ការបញ្ជូនសព្វាវុធរបស់សហរដ្ឋអាមេរិកទៅឲ្យអ៊ុយក្រែនដូច “ចាក់សាំងបន្ថែមលើភ្លើងកំពុងឆេះ” ។
លោក Peskov បាននិយាយនៅក្នុងសន្និសីទសារព័ត៌មាននៅទីក្រុងមូស្គូថា ការផ្គត់ផ្គង់បែបនេះនឹងមិនបម្រើដល់ការជំរុញថ្នាក់ដឹកនាំអ៊ុយក្រែនឲ្យបន្តការចរចាសន្តិភាពឡើងវិញនោះទេ ហើយទីក្រុងមូស្គូចាត់ទុកការសម្រេចចិត្តនេះថាជា “ផលអវិជ្ជមាន” ។
លោកក៏បានសង្កត់ធ្ងន់ដែរថា ទីក្រុងមូស្គូមិនមានទំនុកចិត្តលើការធានារបស់លោកប្រធានាធិបតីអ៊ុយក្រែន Volodymyr Zelensky ដែលថា ទីក្រុងកៀវនឹងមិនប្រើប្រាស់គ្រាប់រ៉ុកកែតរយៈចម្ងាយឆ្ងាយច្រើនគ្រាប់ដើម្បីបើកការវាយប្រហារលើទឹកដីរុស្ស៊ីនោះទេ ។
លោក Peskov បាននិយាយថា “ដើម្បីទុកចិត្តពីការធានានេះ យើងត្រូវតែមានការសន្យា ប៉ុន្តែកន្លងមកអ៊ុយក្រែនមិនបានធ្វើតាមការសន្យាបែបនេះទាល់តែសោះ” ។
ចំណែកស្របពេលដែលមានការខិតខំប្រឹងប្រែងជាអន្តរជាតិដើម្បីទប់ស្កាត់ការកើនឡើងតម្លៃស្បៀងអាហារវិញ អ្នកនាំពាក្យវិមានក្រឹមឡាំងរូបនេះបាននិយាយថា រុស្ស៊ីត្រៀមខ្លួនជាស្រេចដើម្បីជួយក្នុងការនាំចេញគ្រាប់ធញ្ញជាតិពីអ៊ុយក្រែនទៅកាន់ដែនទឹកអន្តរជាតិ ។
ជាចុងក្រោយលោក Peskov បានសម្ដែងការគាំទ្រគំនិតផ្តួចផ្តើមរបស់ប្រទេសតួកគីក្នុងការសម្រុះសម្រួលលើបញ្ហានេះ ខណៈទាំងទីក្រុងមូស្គូ និងទីក្រុងកៀវក៏ចាត់ទុករឿងនេះជាផលវិជ្ជមានផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រុស្ស៊ី ប្រាប់មូលហេតុមួយទៀតឈ្នះសង្គ្រាមលើ អ៊ុយក្រែន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ