ព័ត៌មានអន្ដរជាតិ
ចិន ព្រមានបរទេស កុំជ្រៀតជ្រែកបញ្ហាតៃវ៉ាន់ ហើយប្តេជ្ញា ប្រយុទ្ធដល់ទីបញ្ចប់ (មានវីដេអូ)
ប្រទេសចិនបានប្តេជ្ញាថានឹង “ប្រយុទ្ធដល់ទីបញ្ចប់” ដើម្បីបញ្ឈប់ឯករាជ្យភាពរបស់កោះតៃវ៉ាន់ ហើយបានព្រមានថា ការជ្រៀតជ្រែកពីបរទេសចំពោះបញ្ហាតៃវ៉ាន់នឹងត្រូវបរាជ័យ។
រដ្ឋមន្ត្រីការពារជាតិចិន លោក Wei Fenghe បាននិយាយនៅក្នុងកិច្ចប្រជុំកំពូលសន្តិសុខ Shangri-La កាលពីថ្ងៃអាទិត្យទី១២ខែមិថុនាថា “ប្រសិនបើនរណាម្នាក់ហ៊ានបំបែកកោះតៃវ៉ាន់ចេញពីប្រទេសចិន យើងនឹងតស៊ូគ្រប់បែបយ៉ាង ហើយយើងនឹងប្រយុទ្ធរហូតដល់ទីបញ្ចប់។ នេះជាជម្រើសតែមួយគត់សម្រាប់ប្រទេសចិន”។
នៅក្នុងការឆ្លើយតបយ៉ាងក្ដៅគគុកចំពោះរដ្ឋមន្ត្រីការពារជាតិអាមេរិក Lloyd Austin ដែលបាននិយាយកាលពីថ្ងៃសៅរ៍, លោក Wei បានសង្កត់ធ្ងន់ថា “គ្មាននរណាម្នាក់ អាចមើលស្រាលការតាំងចិត្ត និងសមត្ថភាពរបស់កងកម្លាំងប្រដាប់អាវុធចិន ក្នុងការការពារបូរណភាពទឹកដីរបស់ខ្លួនបានឡើយ”។
ប្រទេសមហាអំណាចទាំង២ បានផ្ទុះសង្គ្រាមពាក្យសម្តីយ៉ាងខ្លាំងក្លាលើបញ្ហាកោះប្រជាធិបតេយ្យគ្រប់គ្រងដោយខ្លួនឯង ដែលទីក្រុងប៉េកាំងចាត់ទុកជាផ្នែកមួយនៃទឹកដីរបស់ខ្លួន ដែលកំពុងរង់ចាំការបង្រួបបង្រួមឡើងវិញ។
នៅក្នុងសុន្ទរកថាទៅកាន់កិច្ចប្រជុំ Shangri-La កាលពីថ្ងៃសៅរ៍ទី១១ខែមិថុនា, លោក Austin បានចោទប្រកាន់ទីក្រុងប៉េកាំងថាបានធ្វើសកម្មភាពយោធាបង្ករឿង និងអស្ថិរភាព ហើយបាននិយាយថា សហរដ្ឋអាមេរិកនឹងឈរខាងសម្ព័ន្ធមិត្ត និងដៃគូរបស់ខ្លួននៅក្នុងតំបន់អាស៊ីប៉ាស៊ីហ្វិក។
ថ្លែងកាលពីថ្ងៃអាទិត្យ លោក Wei និយាយថា វាគឺអាស្រ័យលើសហរដ្ឋអាមេរិក ក្នុងការធ្វើឲ្យប្រសើរឡើងនូវទំនាក់ទំនង ចំពេលទំនាក់ទំនងកំពុងស្ថិតក្នុងដំណាក់កាលដ៏សំខាន់មួយ។
ស្របពេលជាមួយគ្នានោះដែរ លោកបានលើកឡើងថា សហរដ្ឋអាមេរិកគួរតែបញ្ឈប់ការលាបពណ៌ និងតទល់ជាមួយប្រទេសចិន។ ឈប់ជ្រៀតជ្រែកចូលកិច្ចការផ្ទៃក្នុងរបស់ចិន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ចិន ពន្លះ អាមេរិក ចុកៗ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore