ព័ត៌មានអន្ដរជាតិ

ថៃនឹងបញ្ចប់ការរឹតត្បិតកូវីដស្ទើរទាំងស្រុងចាប់ពីថ្ងៃសុក្រស្អែក

បានផុស

៤ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

ក្រសួងសុខាភិបាលថៃរំពឹងមជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) នឹងបញ្ចប់ការរឹតត្បិតជំងឺកូវីដស្ទើរទាំងអស់ទូទាំងប្រទេស រាប់ទាំង អាជីវកម្ម ការកម្សាន្ត និងសកម្មភាពផ្សេងៗទៀត។

រដ្ឋមន្ត្រីក្រសួងសុខាភិបាលថៃ លោក Anutin Charnvirakul បាននិយាយនៅថ្ងៃព្រហស្បតិ៍នេះថា លោករំពឹង CCSA នឹងប្រកាសតំបន់កូវីដ-១៩បៃតងទូទាំងប្រទេសត្រឹមថ្ងៃសុក្រស្អែកនេះ ហើយក៏កំណត់កាលបរិច្ឆេទសម្រាប់ការសម្រាកចាប់ផ្តើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងតំបន់បៃតង ទីកន្លែងកម្សាន្តអាចបើក និងមិនមានការរឹតត្បិតទៀតទេសម្រាប់ចំនួនមនុស្សនៃការជួបជុំ ឬក៏ប្រើប្រាស់អគារសាលារៀន និងទីលានកីឡាជាដើម។

ចាប់ពីថ្ងៃទី១ ខែមិថុនា កន្លងមក អាជីវកម្ម និងសកម្មភាពគ្មានការរឹតត្បិតរាប់ទាំងកន្លែងកម្សាន្ត និងកន្លែងម៉ាស្សាត្រូវបានអនុញ្ញាតត្រឹមតែខេត្តចំនួន១៤ជាតំបន់បៃតង និងខេត្តចំនួន១៧ជាតំបន់ខៀវដើម្បីគាំទ្រដល់វិស័យទេសចរណ៍។

ចំណែកខេត្តចំនួន៤៦ផ្សេងទៀតគឺជាតំបន់លឿងដែលចំនួនមនុស្សជួបជុំគ្នាកំណត់ត្រឹមតែ១ពាន់នាក់ ហើយកន្លែងកម្សាន្ត និងហាងម៉ាស្សានៅតែបន្តបិទ។ ទន្ទឹមជាមួយគ្នានេះ ក៏នៅតែរឹតត្បិតលើសាលារៀន និងចំនួនអ្នកចូលទស្សនាផ្ទាល់នៅទីលានប្រកួតកីឡាត្រឹមតែ៧៥%នៃកន្លែងទស្សនាពេញ។

យ៉ាងណា មិនមានការរឹតត្បិតនៅកីឡដ្ឋានដែលស្រលះខ្យល់អាកាស និងរោងភាពយន្តក៏ត្រូវបានអនុញ្ញាតឲ្យដំណើរការធម្មតាទូទាំងប្រទេសដែរ។

លោក Anutin បាននិយាយថា ក្រសួងសុខាភិបាលនឹងមិនប្រកាសពីការបញ្ឈប់ទាំងស្រុងទេចំពោះការពាក់ម៉ាស់ត្រឹមថ្ងៃសុក្រស្អែកនេះ។ មន្ត្រីនឹងពិចារណាពីតម្រូវការបញ្ចប់ក្នុងតំបន់ពិសេស៕

ប្រែសម្រួល៖ វីរបុត្រ
ប្រភព៖ Bangkokpost

Related Topics:ប្រទេសថៃ