Connect with us

ព័ត៌មានអន្ដរជាតិ

ថតជាប់ស្តែងៗ បាក់កន្លែងអង្គុយទស្សនាការប្រកួតគោជល់នៅ កូឡុំប៊ី ស្លាប់មនុស្ស ៤នាក់ របួសជាង ៣០០នាក់

បានផុស

នៅ

មនុស្សចំនួន៤នាក់បានស្លាប់ និងជាង៣០០នាក់រងរបួស បន្ទាប់ពីកន្លែងអង្គុយទស្សនាការប្រកួតគោជល់ បានបាក់អំឡុងពេលប្រកួតនៅកណ្តាលប្រទេស កូឡុំប៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូ ​បង្ហាញ​ពីកន្លែងទស្សនាកម្ពស់៣ជាន់ធ្វើពី​ឈើ ​ដែល​ពោរពេញ​ទៅ​ដោយ​អ្នក​ទស្សនា​បានបាក់​នៅ​កីឡដ្ឋាន​ក្នុងទី​ក្រុង El Espinal នៃតំបន់ Tolima។

អភិបាលក្រុង Tolima លោក Jose Ricardo Orozco បាននិយាយថា អ្នកស្លាប់រួមមានស្ត្រីពីរនាក់ បុរសម្នាក់ និងកុមារម្នាក់ ខណៈមន្ត្រីសុខាភិបាលក្នុងតំបន់និយាយថា មន្ទីរពេទ្យបានព្យាបាលមនុស្សចំនួន ៣២២ នាក់ ដោយក្នុងនោះមាន ៤នាក់កំពុងស្ថិតក្រោមការមើលថែយ៉ាងយកចិត្តទុកដាក់។

ព្រឹត្តិការណ៍ “Corraleja” កាលពីថ្ងៃអាទិត្យទី២៦ខែមិថុនា គឺជាផ្នែកមួយនៃការប្រារព្ធពិធីបុណ្យ San Pedro ដ៏ពេញនិយម។

ប្រធានាធិបតីផុតអាណត្តិលោក Ivan Duque បាននិយាយថា នឹងមានការស៊ើបអង្កេតមួយ ខណៈប្រធានាធិបតីជាប់ឆ្នោត Gustavo Petro បានជំរុញឲ្យមន្ត្រីក្នុងតំបន់ ហាមឃាត់ព្រឹត្តិការណ៍បែបនេះ។

គួរបញ្ជាក់ថា នេះ​មិន​មែន​ជា​លើក​ទី​មួយ​ទេ ​ដែល​គ្រោះថ្នាក់​បែប​នេះ កើតឡើង។

កាល​ពី​ថ្ងៃ​សៅរ៍ មនុស្ស​ជា​ច្រើន​នាក់​បាន​រង​របួស​ក្នុង​អំឡុង​ព្រឹត្តិការណ៍ Corralejas នៅ​ក្រុង El Espinal។ ចំណែកកាលពីដើមខែនេះ មនុស្សម្នាក់បានស្លាប់ បន្ទាប់ពីត្រូវបានគោឈ្មោលជល់អំឡុងព្រឹត្តិការណ៍ដូចនេះ នៅទីក្រុង Repelon៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ បាក់ដីនៅ កូឡុំប៊ី សម្លាប់មនុស្ស ១១នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម