បាក់ដីនៅ កូឡុំប៊ី សម្លាប់មនុស្ស ១១នាក់

ការបាក់ដីដែលបង្កឡើងដោយភ្លៀងធ្លាក់ខ្លាំងបានសម្លាប់មនុស្សចំនួន១១នាក់ នៅកណ្តាលប្រទេសកូឡុំប៊ី។

មនុស្សចំនួន៣៥នាក់ផ្សេងទៀត បច្ចុប្បន្នកំពុងសម្រាកព្យាបាលរបួសនៅមន្ទីរពេទ្យ បន្ទាប់ពីផ្ទះជាច្រើនខ្នងត្រូវវាយប្រហារក្នុងក្រុង Dosquebradas ខេត្ត Risaralda កាលពីថ្ងៃអង្គារទី៨ខែកុម្ភៈ។

មន្ត្រីគ្រប់គ្រងគ្រោះមហន្តរាយរបស់ប្រទេសកូឡុំប៊ីបាននិយាយថា ក្រុមជួយសង្គ្រោះបាននិងកំពុងស្វែងរកក្នុងដីភក់ ដើម្បីរកអ្នកនៅរស់រានមានជីវិតបន្ថែមទៀត។

ស្របពេលជាមួយគ្នានោះ មានការភ័យខ្លាចថា ចំនួនអ្នកស្លាប់នឹងកើនឡើងបន្ថែមទៀត។

ការរអិលបាក់ដី គឺជារឿងធម្មតានៅក្នុងប្រទេសកូឡុំប៊ី ហើយផ្ទះដែលសង់នៅលើភ្នំដ៏ចោត គឺមានហានិភ័យខ្លាំង ជាពិសេសក្នុងរដូវវស្សា។

ក្នុងឆ្នាំ២០១៩ ក្រុមអ្នកជួយសង្គ្រោះបានរកឃើញសាកសពចំនួន១១នាក់ ដែលកប់ក្នុងភក់បន្ទាប់ពីការរអិលបាក់ដីបានវាយប្រហារទីក្រុង Rosas របស់ប្រទេសកូឡុំប៊ី៕

ប្រែសម្រួល៖ Vann Vann

ប្រភព៖ BBC

ចុចអាន៖ បាក់ដីនៅ អេក្វាទ័រ ស្លាប់២២នាក់ និងរបួសជិត ៥០នាក់