ព័ត៌មានអន្ដរជាតិ
រុស្ស៊ី ព្រមានថា អ៊ុយក្រែន កំពុងរៀបចំការបង្កហេតុ ដោយប្រើប្រាស់អាវុធគីមី
កាលពីថ្ងៃពុធទី០៦ខែកក្កដា ទីក្រុងមូស្គូ បានផ្ញើកំណត់ទូត ទៅកាន់អង្គការ ហាមឃាត់អាវុធគីមី (OPCW) ដោយនិយាយថា ទីក្រុងកៀវ កំពុងរៀបចំការបង្កហេតុ ជាមួយនឹងការប្រើប្រាស់អាវុធគីមីនៅរោងចក្រថាមពលកម្តៅ Slavyanskaya ក្នុងសាធារណរដ្ឋប្រជាមានិត Donetsk (DPR) រួមទាំងការព្រមានអំពីការបង្កហេតុផ្សេងទៀតនៅតំបន់ Nikolaev និង Kharkov ផងដែរ។ នេះបើតាមការឲ្យដឹងពីលោក Alexander Shulgin តំណាងអចិន្ត្រៃយ៍របស់រុស្ស៊ីប្រចាំនៅអង្គការនេះ។
លោក Shulgin បានប្រាប់ទូរទស្សន៍ Rossiya 24 របស់រុស្ស៊ីថា “យើងបានផ្ញើកំណត់ទូត ទៅកាន់លេខាធិការដ្ឋានបច្ចេកទេសរបស់ OPCW ដោយបានជូនដំណឹងអំពីការបង្កហេតុនាពេលខាងមុខនៅ Nikolaevka ហើយក៏បានជូនដំណឹងផងដែរថា អ្នកជាតិនិយមអ៊ុយក្រែននឹងរៀបចំការបង្កហេតុនៅកន្លែងផ្សេងទៀតដូចជានៅ Nikolaev និង Kharkov។ សរុបទៅមាន កំណត់ទូតជាង១០ ត្រូវបានបញ្ជូនទៅលេខាធិការដ្ឋានបច្ចេកទេសរួចហើយ”។
មន្ត្រីរូបនេះក៏បាននិយាយផងដែរថា OPCW បានបញ្ជាក់ពីការទទួលទិន្នន័យ ហើយថា អង្គការបាននិងកំពុងចែកចាយព័ត៌មាននេះ ក្នុងចំណោមប្រទេសដែលចូលរួម។
ដោយឡែក កាលពីថ្ងៃអង្គារ ប្រធានមជ្ឈមណ្ឌលគ្រប់គ្រងការពារជាតិរុស្ស៊ី លោកវរសេនីយ៍ឯក Mikhail Mizintsev បាននិយាយថា ទីក្រុងកៀវ កំពុងរៀបចំការបង្កហេតុនៅ DPR ជាមួយនឹងការប្រើប្រាស់សារធាតុក្លរីន ដើម្បីចោទប្រកាន់ទីក្រុងមូស្គូ ពីការវាយប្រហារមិនរើសមុខសំដៅទៅលើវត្ថុគ្រោះថ្នាក់មានជាតិគីមី៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ប្រធានាធិបតីអ៊ុយក្រែន ចោទថា កងកម្លាំងរុស្ស៊ីអាចប្រើ អាវុធគីមី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង