ព័ត៌មានអន្ដរជាតិ
ប្រជាជន ជប៉ុន និយាយលាលោក Abe លើកចុងក្រោយ បន្ទាប់ពីសពដឹក ចេញពីទីក្រុងតូក្យូ
អមដោយអ្នកកាន់ផ្ការាប់រយនាក់ និងទង់រុំដោយខ្សែបូពណ៌ខ្មៅ, ប្រជាជនជប៉ុនបាននិយាយលាលើកចុងក្រោយទៅកាន់លោក Abe Shinzo ដែលធ្លាប់ជានាយករដ្ឋមន្ត្រីកាន់អំណាចយូរបំផុតរបស់ប្រទេសនេះ បន្ទាប់ពីស្លាប់បាត់បង់ជីវិត ក្រោយរងការបាញ់ប្រហារពីសំណាក់ខ្មាន់កាំភ្លើងកាលពីសប្ដាហ៍មុន ។
ទន្ទឹមនោះ រថយន្តដែលដឹកសពលោក Abe បានចេញដំណើរពីព្រះវិហារ Zojoji កណ្តាលក្រុងតូក្យូនៅរសៀលថ្ងៃអង្គារនេះ ហើយបានឆ្លងកាត់តំបន់ Nagatacho និងកន្លែងសំខាន់ៗផ្សេងទៀតដូចជា ការិយាល័យនាយករដ្ឋមន្ត្រីដែលលោកកាន់រយៈពេល ២ អាណត្តិពីឆ្នាំ ២០១២ ដល់ ២០២០ និងអគារសភាដែលលោក Abe ក្លាយជាសមាជិកសភាវ័យក្មេងនៅឆ្នាំ ១៩៩៣ បន្ទាប់ពីមរណភាពឪពុករបស់លោក ។
ហ្វូងមនុស្សយ៉ាងច្រើនកុះករបានតម្រង់ជួរតាមដងផ្លូវដើម្បីមើលរថយន្តដឹកសពអតីតមេដឹកនាំដែលត្រូវគេសម្លាប់ ។ មនុស្សជាច្រើនបានលើកដៃលាពេលរថយន្តបើកកាត់ ខណៈអ្នកខ្លះទៀតបានឱនក្បាលចុះដើម្បីបង្ហាញការគោរព ។
ស្របពេលជាមួយគ្នានេះ មុនពេលរថយន្តដឹកសពអតីតនាយករដ្ឋមន្ត្រីវ័យ ៦៧ ឆ្នាំរូបនេះចេញពីព្រះវិហារ Zojoji ក៏មានពិធីលាគ្នាចុងក្រោយផងដែរនៅក្នុងព្រះវិហារនោះ ដោយមានការចូលរួមពីសាច់ញាតិ មិត្តភ័ក្តិ និងក្រុមការងាររបស់លោក Abe សរុបប្រហែល ២,៥០០ នាក់ ។
គួររំឭកថា លោក Abe ត្រូវបានខ្មាន់កាំភ្លើងវាយប្រហារកាលពីព្រឹកថ្ងៃសុក្រក្នុងទីក្រុង Nara ភាគខាងលិចប្រទេសជប៉ុន ក្នុងអំឡុងពេលថ្លែងសុន្ទរកថាយុទ្ធនាការឃោសនាបោះឆ្នោតនៅតាមដងផ្លូវ ខណៈភ្លាមៗនោះប៉ូលិសក៏បានចាប់ខ្លួនជនដៃដល់ឈ្មោះ Tetsuya Yamagami អាយុ ៤១ ឆ្នាំបានដើរចូលទៅជិតអ្នកនយោបាយពីខាងក្រោយ ហើយបានបាញ់ចំនួន ២ គ្រាប់ចំទ្រូងក្នុងចម្ងាយជាច្រើនម៉ែត្រ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ជនដៃដល់សារភាពទៀតថា គុំសម្លាប់លោក Abe តាំងពីមួយឆ្នាំមុនមកម្ល៉េះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង