ព័ត៌មានអន្ដរជាតិ
រុស្ស៊ី នៅតែរក្សាប្រតិបត្តិការដូចដើម ប្រឆាំងទីក្រុងកៀវ មិនមែនប្រជាជន អ៊ុយក្រែន ទេ
អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃអង្គារថា ប្រតិបត្តិការយោធាពិសេសរបស់រុស្ស៊ីនៅអ៊ុយក្រែននៅតែរក្សាគោលដៅដូចដើម គឺប្រឆាំងនឹងរបបទីក្រុងកៀវ មិនមែនប្រឆាំងនឹងប្រជាជនអ៊ុយក្រែននោះទេ ។
កាលពីដើមខែកក្កដា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានចុះហត្ថលេខាលើច្បាប់មួយស្តីពីការផ្តល់សញ្ជាតិរុស្ស៊ីក្នុងលក្ខណៈសាមញ្ញមួយដល់ប្រជាជនដែលកំពុងរស់នៅក្នុងសាធារណរដ្ឋ Donbas និងអ៊ុយក្រែន ។
ទន្ទឹមនោះ លោក Peskov បានប្រាប់អ្នកសារព័ត៌មានម្ដងហើយម្ដងទៀតថា “ប្រតិបត្តិការយោធាពិសេសរបស់យើងមិនប្រឆាំងនឹងប្រជាជនអ៊ុយក្រែននោះទេ ។ រដ្ឋាភិបាលទិក្រុងមូស្គូប្រឆាំងនឹងរបបទីក្រុងកៀវ ហើយក្នុងពេលជាមួយគ្នានេះ ប្រជាជនអ៊ុយក្រែនជាច្រើនពិតជាចង់ក្លាយជាពលរដ្ឋនៃសហព័ន្ធរុស្ស៊ី ។ ដូច្នេះច្បាប់ដែលលោក ពូទីន ចុះហត្ថលេខាពិតជាមានសារៈសំខាន់ខ្លាំងណាស់សម្រាប់ប្រជាជនមួយចំនួនធំ” ។
គួររំឭកថា ប្រទេសរុស្ស៊ីបានចាប់ផ្តើមប្រតិបត្តិការយោធាពិសេសរបស់ខ្លួននៅក្នុងប្រទេសអ៊ុយក្រែនកាលថ្ងៃទី ២៤ ខែកុម្ភៈ បន្ទាប់ពីសាធារណរដ្ឋប្រជាមានិត Donetsk និង Luhansk បានអំពាវនាវសុំជំនួយក្នុងការការពារខ្លួនប្រឆាំងនឹងការបង្កហេតុរបស់អ៊ុយក្រែន ។
ប៉ុន្តែជាការឆ្លើយតបទៅនឹងប្រតិបត្តិការរបស់រុស្ស៊ី បណ្តាប្រទេសលោកខាងលិចក៏បានដាក់ចេញនូវយុទ្ធនាការដាក់ទណ្ឌកម្មទ្រង់ទ្រាយធំប្រឆាំងនឹងទីក្រុងមូស្គូ ហើយបាននិងកំពុងផ្គត់ផ្គង់អាវុធដល់អ៊ុយក្រែនផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)