កូនស្រីលោក ថាក់ស៊ីន ចូលរួមកាន់ទុក្ខលោក អាបេ តំណាងត្រកូល ស៊ីណាវ៉ាត់ត្រា

កូនស្រីបង្កើតរបស់លោក ថាក់ស៊ីន គឺលោកស្រី ផេថងថាន ស៊ីណាវ៉ាត់ត្រា បានដឹកនាំប្រតិភូគណបក្សភឿថៃទៅចូលរួម​ពិធី​ចុះ​ហត្ថលេខា និង​គោរព​វិញ្ញាណក្ខន្ធ​រំលែក​ទុក្ខចំពោះមរណៈភាព​អតីត​នាយក​រដ្ឋមន្ត្រីជប៉ុន លោក ស៊ីនហ្សូ អាបេ ​​ជាមួយ​នឹង​កម្រង​ផ្កា ក៏ដូចជាតំណាងឲ្យ លោក ថាក់ស៊ីន និងលោកស្រី យីងឡាក់ ផងដែរ នៅស្ថានទូតជប៉ុនប្រចាំប្រទេសថៃ ។

ទន្ទឹមនោះការអញ្ជើញទៅ​គោរព​វិញ្ញាណក្ខន្ធ និង​ចុះហត្ថលេខា​ចូលរួមរំលែកមរណៈទុក្ខចំពោះអតីត​នាយក​រដ្ឋមន្ត្រី​ជប៉ុន ​លោក Shinzo Abe របស់លោកស្រី ផេថងថាន ស៊ីណាវ៉ាត់ត្រា និងមន្ត្រីជាន់ខ្ពស់គណបក្សភឿថៃ កាលពីថ្ងៃ​ទី​ ១៤ ខែ​កក្កដា ក៏មានការទទួលស្វាគមន៍ពីលោក ណាស៊ីដា កាហ្សូយ៉ា ឯកអគ្គរដ្ឋទូតជប៉ុនប្រចាំប្រទេសថៃផងដែរ ។

នាឱកាសនោះដែរ លោកស្រី ផេថងថាន ឈីណាវ៉ាត់ ក៏បានថ្លែងចូលរួមរំលែកទុក្ខយ៉ាងក្រៀមក្រំបំផុត ចំពោះមរណភាពរបស់លោក Abe និងសូមផ្ញើការលើកទឹកចិត្តដល់គ្រួសារអតីតនាយករដ្ឋមន្ត្រី និងប្រជាជនជប៉ុន ត្រូវតែឆ្លងកាត់ពេលវេលាដ៏លំបាកនេះឲ្យបាន ៕

ប្រែសម្រួលដោយ ៖ គង់ សំអាន

ប្រភព ៖ Daily News

ចុចអាន ៖ ថៃ ចេញបញ្ជាឲ្យក្រសួងពាណិជ្ជកម្មគ្រប់គ្រងតម្លៃទំនិញទូទាំងប្រទេស