ព័ត៌មានអន្ដរជាតិ
អង់គ្លេស ជួបប្រទះ សីតុណ្ហភាពក្តៅខ្លាំងបំផុត ក្នុងប្រវត្តិសាស្រ្ត (មានវីដេអូ)
ចក្រភពអង់គ្លេស បានកត់ត្រាសីតុណ្ហភាពលើសពី ៤០អង្សាសេ ជាលើកដំបូង មិនធ្លាប់មានសោះក្នុងប្រវត្តិសាស្រ្ត។
សីតុណ្ហភាពបានឡើងដល់ ៤០.២អង្សាសេ នៅ Heathrow នាវេលាម៉ោង ១២:៥០ ថ្ងៃត្រង់។
មួយម៉ោងក្រោយមក សីតុណ្ហភាពដូចគ្នា ត្រូវបានកត់ត្រានៅក្នុងភូមិ Coningsby នៃតំបន់ Lincolnshire។ គិតត្រឹមម៉ោង ៤:១២ រសៀល សីតុណ្ហភាពនៅទីនោះ បានកើនឡើងដល់ ៤០.៣ អង្សាសេ ដែលជាកម្រិតខ្ពស់បំផុតមិនធ្លាប់មានសោះ នៅចក្រភពអង់គ្លេស។
នៅព្រឹកព្រលឹមថ្ងៃនេះ សីតុណ្ហភាព ៣៩.១អង្សាសេ ត្រូវបានកត់ត្រានៅក្នុងភូមិ Charlwood នៃស្រុក Surrey ដោយបំបែកកំណត់ត្រាចាស់ ៣៨.៧អង្សាសេ ដែលបានកំណត់ក្នុងឆ្នាំ២០១៩ នៅឧទ្យាន Cambridge Botanic Garden។
ស្របពេលជាមួយគ្នានោះដែរ រលកកម្តៅ បានបង្កឲ្យមានគ្រោះអគ្គិភ័យដ៏ធំមួយនៅទីក្រុងឡុងដ៍។
កំណត់ត្រាសីតុណ្ហភាពពេលយប់ ត្រូវបានបំបែក ដោយនៅតំបន់ Kenley នៃស្រុក Surrey សីតុណ្ហភាពបានឡើងដល់ ២៥.៨អង្សាសេ។
កម្តៅដ៏ក្តៅគគុក បានបង្កជាការរំខាន ដល់ការធ្វើដំណើរយ៉ាងធ្ងន់ធ្ងររួចមកហើយ ដោយអាកាសយានដ្ឋាន Luton ត្រូវបង្ខំចិត្តផ្អាកជើងហោះហើរកាលពីថ្ងៃចន្ទ ដោយសារបញ្ហាផ្លូវរត់។
កាលពីថ្ងៃអង្គារ ប៉ូលិសនិយាយថា ផ្នែកមួយនៃផ្លូវរទេះភ្លើងនៅ Cambridgeshire ត្រូវបានទុកចោល ដោយសារតែអាកាសធាតុក្តៅខ្លាំងពេក។
គួរបញ្ជាក់ថា មិនថាតែនៅអង់គ្លេសទេ, ប្រទេសស្កុតឡែន និងវេលស៍ ក៏ជួបប្រទះថ្ងៃក្តៅបំផុត ក្នុងកំណត់ត្រាផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ SKY
ចុចអាន៖ EU ត្រៀម ទិញ យន្តហោះ ពន្លត់ ភ្លើង ឆេះ ព្រៃ ខណៈ វិបត្តិ អាកាសធាតុ កាន់ តែ ធ្ងន់ធ្ងរ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?