តំបន់គ្រប់គ្រងដោយ រុស្ស៊ី បិទការស្វែងរកព័ត៌មានតាម Google

អនុប្រធានរដ្ឋបាលយោធា-ស៊ីវិលក្នុងតំបន់ Kherson លោក Kirill Stremousov បានប្រាប់សារព័ត៌មាន Sputnik ថា ការស្វែងរកព័ត៌មានតាម Google ត្រូវបានប្លុកនៅក្នុងតំបន់ Kherson ដែលជាប្រភពនៃ “ព័ត៌មានភេរវកម្ម” ។

លោក Stremousov បាននិយាយកាលពីថ្ងៃសុក្រថា “តាមសំណើរបស់ខ្ញុំ ម៉ាស៊ីនស្វែងរក Google ត្រូវបានបិទដូចគ្នាជាមួយ YouTube និង Viber ។ មូលហេតុគឺការប្រើប្រាស់បណ្តាញសង្គមទាំងនេះជាធាតុផ្សំនៃអំពើភេរវកម្មព័ត៌មានដោយអាជ្ញាធរអ៊ុយក្រែន និងអ្នកគ្រប់គ្រងជនជាតិអាមេរិករបស់ពួកគេ” ។

ទន្ទឹមនោះការស្វែងរកតាម Google Search ត្រូវបានប្លុករួចទៅហើយនៅក្នុងសាធារណរដ្ឋប្រជាមានិត Donetsk (DPR) និង Lugansk (LPR) ។ យោងតាមអាជ្ញាធរ DPR និង LPR បានឲ្យដឹងថា ហេតុផលសម្រាប់ការប្លុកនេះគឺដោយសារមានការឃោសនានៃអំពើភេរវកម្ម និងអំពើហិង្សាលើជនជាតិរុស្ស៊ី រួមទាំងប្រជាជននៃតំបន់ Donbass ក៏ដូចជាការផ្សព្វផ្សាយព័ត៌មានមិនពិតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ប្រាប់ចំនួនកម្ទេចប្រព័ន្ធរ៉ុកកែត HIMARS របស់ អាមេរិក ផ្ដល់ឲ្យ អ៊ុយក្រែន