Connect with us

ព័ត៌មានអន្ដរជាតិ

រុស្ស៊ី ប្រាប់ចំនួនកម្ទេចប្រព័ន្ធរ៉ុកកែត HIMARS របស់ អាមេរិក ផ្ដល់ឲ្យ អ៊ុយក្រែន

បានផុស

នៅ

ក្រសួងការពារជាតិរុស្ស៊ីបាននិយាយថា កងកម្លាំងរបស់ខ្លួនបានបំផ្លាញប្រព័ន្ធរ៉ុកកែតកាំភ្លើងចល័តខ្ពស់ HIMARS ដែលផ្គត់ផ្គង់ដោយសហរដ្ឋអាមេរិកចំនួន ៤ គ្រឿងនៅចន្លោះថ្ងៃទី ៥ ដល់ថ្ងៃទី ២០ ខែកក្កដា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបាននិយាយនៅក្នុងសន្និសីទប្រចាំថ្ងៃថា “ជើងទម្រចំនួន ៤ និងយានដឹកប្រព័ន្ធរ៉ុកកែតបាញ់កាំភ្លើង HIMARS ជាច្រើនផ្សេងទៀតដែលផលិតដោយសហរដ្ឋអាមេរិកត្រូវបានបំផ្លាញ” ។

ការអះអាងនេះបានធ្វើឡើងរយៈពេល ២ ថ្ងៃ បន្ទាប់ពីប្រធានអគ្គសេនាធិការចម្រុះអាមេរិកលោក Mark Milley បាននិយាយថា មិនមានប្រព័ន្ធរ៉ុកកែត HIMARS របស់ទីក្រុងវ៉ាស៊ីនតោនដែលផ្គត់ផ្គង់ដល់រដ្ឋាភិបាលទីក្រុងកៀវត្រូវបានកម្ទេចនោះទេ ។

លោក Milley បានប្រាប់សន្និសីទនៅឯមន្ទីរបញ្ចកោណកាលពីថ្ងៃពុធថា ក្រោយការបំផ្លាញប្រព័ន្ធអាវុធនេះហើយ រដ្ឋាភិបាលទីក្រុងកៀវក៏នឹងទទួលបានប្រព័ន្ធរ៉ុកកែត HIMARS ចំនួន ៤ គ្រឿងបន្ថែមទៀតផងដែរ ស្របពេលដែលយោធារុស្ស៊ីកំពុងបង្កើនការវាយលុកទៅលើប្រទេសអ៊ុយក្រែន ។

គួរបញ្ជាក់ថា កន្លងមកអាមេរិក​បាន​ផ្គត់ផ្គង់ប្រព័ន្ធកាំភ្លើងធំចល័តខ្ពស់ HIMARS ចំនួន ១២ គ្រឿងរួចហើយទៅឲ្យប្រទេសអ៊ុយក្រែន ខណៈកងកម្លាំង​អ៊ុយក្រែនក៏​កំពុង​ប្រើប្រាស់អាវុធទាំងនេះ​ដើម្បី​វាយប្រហារ​ប៉ុស្តិ៍​បញ្ជាការ​រុស្ស៊ី ​និង​គោលដៅ​យោធា​ផ្សេងទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រុស្ស៊ី បាញ់មីស៊ីលល្បឿនលឿនជាងសំឡេងសម្លាប់សកម្មប្រយុទ្ធ អ៊ុយក្រែន ជាង ៦០០ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៩ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម