លោក Boris Johnson ចុះបង្រៀនបាញ់មីស៊ីល និងគប់គ្រាប់បែកដល់ទ័ព អ៊ុយក្រែន

នាយករដ្ឋមន្ត្រីអង់គ្លេសលោក Boris Johnson បានចុះទៅផ្ទាល់ដល់ទីតាំងហ្វឹកហាត់ទាហានអ៊ុយក្រែននៅភាគខាងជើងប្រទេសអង់គ្លេស ។

ទន្ទឹមនោះ នៅក្នុងឯកសណ្ឋានអាវក្រៅជាទាហាន, លោក Johnson ក៏ត្រូវបានគេឃើញចូលរួមជាមួយទាហានអ៊ុយក្រែនដែលកំពុងរៀនពីរបៀបប្រើមីស៊ីលប្រឆាំងរថក្រោះ ក៏ដូចជារៀនគប់គ្រាប់បែកដៃជាដើម ។

កន្លងមករដ្ឋាភិបាល​អង់គ្លេស​តែងតែនាំ​ទាហាន​អ៊ុយក្រែន​មក​ហ្វឹកហ្វឺន​ក្នុង​ប្រទេស ​ព្រម​ទាំង​ផ្តល់​អាវុធ​ក៏ដូចជា​ប្រព័ន្ធ​​រ៉ុកកែត​បាញ់​ច្រើន​គ្រាប់ផងដែរ ។

បន្ថែមពីនេះលោក Johnson ក៏បាននិយាយដែរថា ចក្រភពអង់គ្លេសគ្រោងនឹងបណ្តុះបណ្តាលទាហានអ៊ុយក្រែនប្រហែល ១០,០០០ នាក់ទៀតក្នុងរយៈពេល ៤ ខែបន្ទាប់ ។

ស្របពេលជាមួយគ្នានេះការបង្ហាញខ្លួនរបស់លោក Johnson ក៏ដើម្បីបញ្ជាក់ពីសារៈសំខាន់នៃការបន្តការគាំទ្ររបស់អង់គ្លេសសម្រាប់អ៊ុយក្រែន ទោះលោកបានចុះចេញពីតំណែងកាលពីដើមខែនេះក៏ដោយ ខណៈមេដឹកនាំថ្មីនៃគណបក្សអភិរក្សនឹងជ្រើសរើសបេក្ខភាពនៅក្នុងខែកញ្ញា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Henry Kissinger ៖ អ៊ុយក្រែន មិនត្រូវប្រគល់ទឹកដីណាមួយឲ្យ រុស្ស៊ី ឡើយ