អាមេរិកបន្ថែមទណ្ឌកម្មលើការបោះឆ្នោតបេឡារុស្ស ទាំងប្រទេសខ្លួនឯងក៏ចលាចល
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាមេរិកបន្ថែមទណ្ឌកម្មលើការបោះឆ្នោតបេឡារុស្ស ទាំងប្រទេសខ្លួនឯងក៏ចលាចល

Published

on

សហរដ្ឋអាមេរិកបានដាក់ទណ្ឌកម្មបន្ថែមលើប្រទេសបេឡារុស្សដោយផ្តោតលើគណៈកម្មការបោះឆ្នោតរបស់ប្រទេស អង្គភាពប៉ូលិស និងបុគ្គលដែលបានអះអាងថាបានលួចបន្លំសន្លឹកឆ្នោត ក្នុងអំឡុងពេលបោះឆ្នោតប្រធានាធិបតីកាលពីខែសីហា និងការបង្ក្រាបជាបន្តបន្ទាប់ទៅលើក្រុមបាតុករ ។

រដ្ឋលេខាធិការក្រសួងរតនាគារលោក Steven Mnuchin បាននិយាយនៅក្នុងសេចក្តីថ្លែងការណ៍មួយថា គណៈកម្មាធិការរៀបចំការបោះឆ្នោតកណ្តាលប្រទេសបេឡារុស្សកំពុងប្រឈមមុខជាមួយបញ្ហានេះ ពីព្រោះការបោះឆ្នោតដែលបានរៀបចំឡើងនៅរដូវក្តៅត្រូវបានចោទប្រកាន់ថាមានភាពមិនប្រក្រតីជាច្រើនដែលធ្វើឲ្យការបោះឆ្នោតនេះមិនសេរី និងយុត្តិធម៌រួមទាំងការហាមឃាត់បេក្ខជនបក្សប្រឆាំង បដិសេធដំណើរការរបស់អ្នកសង្កេតការណ៍បោះឆ្នោត និងការបញ្ជាក់អំពីការបោះឆ្នោតមិនត្រឹមត្រូវ ។

ទន្ទឹមនោះការអនុវត្តច្បាប់មកពីអង្គភាពប៉ូលិសពិសេសទីក្រុង Minsk (OMON) នាយកកិច្ចការផ្ទៃក្នុងនៃគណៈកម្មាធិការប្រតិបត្តិទីក្រុង Minsk និងក្រុមកងកម្លាំង KGB Alpha ត្រូវបានគេដាក់ក្នុងបញ្ជីខ្មៅដោយសារការចោទប្រកាន់ពីបទប្រើប្រាស់កម្លាំងហួសប្រមាណប្រឆាំងនឹងប្រជាជនដែលតវ៉ាលទ្ធផលនៃការបោះឆ្នោត ខណៈអនុរដ្ឋមន្រ្តីក្រសួងមហាផ្ទៃបេឡារុស្ស និងអគ្គស្នងការនគរបាលជាតិគឺលោក Henadz Kazakevich ក៏ត្រូវបានដាក់ទណ្ឌកម្មផងដែរ ។

លោក Mnuchin បានទទូចថា “ប្រជាជនបេឡារុស្សបន្តអនុវត្តសិទ្ធិប្រជាធិបតេយ្យមូលដ្ឋានរបស់ពួកគេ ហើយរដ្ឋបានឆ្លើយតបម្តងហើយម្តងទៀតជាមួយនឹងការបង្ក្រាបដោយហិង្សា” ។

ការដាក់ទណ្ឌកម្មរបស់រតនាគាររួមមានការបង្កកទ្រព្យសម្បត្តិរបស់អង្គភាព និងបុគ្គលដែលត្រូវបានចុះក្នុងបញ្ជីខ្មៅ ហើយថែមទាំងរារាំងក្រុមហ៊ុនអាមេរិក និងពលរដ្ឋអាមេរិកពីការធ្វើជំនួញណាមួយជាមួយពួកគេផងដែរ ខណៈនៅក្នុងខែតុលាទីក្រុងវ៉ាស៊ីនតោនបានដាក់រដ្ឋមន្រ្តីក្រសួងមហាផ្ទៃលោក Yuri Karayev និងមន្ត្រីជាន់ខ្ពស់បេឡារុស្ស ៧ រូបផ្សេងទៀតក្នុងបញ្ជីខ្មៅរួចហើយ ។

ដូចគ្នានេះផងដែរកាលពីថ្ងៃពុធក្រសួងការបរទេសសហរដ្ឋអាមេរិកបានដាក់កម្រិតការផ្តល់ទិដ្ឋាការលើបុគ្គលចំនួន ៣៩ នាក់ដែលអាមេរិកបានចាត់ទុកថាជាអ្នកទទួលខុសត្រូវចំពោះការធ្វើឲ្យខូចលទ្ធិប្រជាធិបតេយ្យនៅក្នុងប្រទេសបេឡារុស្ស ខណៈឈ្មោះរបស់ពួកគេមិនត្រូវបានបង្ហាញនោះទេ ។

រដ្ឋមន្រ្តីក្រសួងការបរទេសលោក Mike Pompeo បាននិយាយថា ប្រជាជនបេឡារុស្ស “សមនឹងទទួលបានការបោះឆ្នោតដោយសេរី និងយុត្តិធម៌ ខណៈពេលដែលការបោះឆ្នោតដែលពួកគេមាននៅដើមឆ្នាំនេះគឺមានភាពមិនប្រក្រតី និងបន្តដោយការរំលោភសិទ្ធិមនុស្ស និងការបង្ក្រាប” ។

យោងតាមតួលេខផ្លូវការបានឲ្យដឹងថា ការតវ៉ាបាននិងកំពុងបន្តនៅក្នុងប្រទេសបេឡារុស្សចាប់តាំងពីការបោះឆ្នោតនៅថ្ងៃទី ៩ ខែសីហា បន្ទាប់ពីលោកប្រធានាធិបតី Alexander Lukashenko បានឈ្នះឆ្នោតយ៉ាងភ្លូកទឹកភ្លូកដី ។ ទោះយ៉ាងណាក្រុមប្រឆាំងបានបដិសេធមិនទទួលស្គាល់លទ្ធផលនៃការបោះឆ្នោតនេះនោះទេដោយនិយាយថាមានភាពប្រក្រតី និងការលួចបន្លំសន្លឹកឆ្នោត ។

វិបត្តិនេះបានបង្កឲ្យមានការតវ៉ាយ៉ាងខ្លាំងនៅរដ្ឋធានី Minsk និងកន្លែងផ្សេងទៀតនៅទូទាំងប្រទេសជាមួយនឹងការទាមទារឲ្យលោក Lukashenko លាឈប់ពីតំណែងជាបន្ទាន់ និងការបោះឆ្នោតដោយយុត្តិធម៌ជា ថ្មី។ ប៉ូលិសបានឆ្លើយតបទៅនឹងអ្នកប្រឆាំងជាមួយនឹងការចាប់ខ្លួន និងឃុំខ្លួនអ្នកតវ៉ារាប់ពាន់នាក់ ខណៈពេលដែលប្រឈមមុខនឹងការចោទប្រកាន់ពីបទប្រើកម្លាំងហួសប្រមាណ និងធ្វើបាបអ្នកដែលត្រូវបានចាប់ខ្លួន ។ អាជ្ញាធរបេឡារុស្សបានបដិសេធរាល់ការធ្វើខុស ហើយបានអះអាងថាការតវ៉ានេះកំពុងត្រូវបានបង្កើតឡើងពីបរទេស ។

ការប្រកាសអំពីការដាក់ទណ្ឌកម្មថ្មីប្រឆាំងបេឡារុស្សមិនបានកត់សម្គាល់នៅលើបណ្តាញសង្គម Twitter ទេ ខណៈអ្នកប្រើប្រាស់មួយចំនួនបានជំរុញឲ្យអាជ្ញាធរសហរដ្ឋអាមេរិកផ្តោតលើបញ្ហានៅក្នុងប្រព័ន្ធបោះឆ្នោតផ្ទាល់ខ្លួនជំនួសឲ្យការបង្រៀនប្រទេសផ្សេងទៀត ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ACLU ប្តឹង FBI ពីបទលួចព័ត៌មានលើស្មាតហ្វូនដោយសម្ងាត់

ចុចអាន ៖ ជនជាតិអង់គ្លេសនាំវីរុសកូរ៉ូណាក្លាយពូជប្រភេទថ្មីមួយទៀតចូលប្រទេស

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ22 mins ago

សួនសត្វសហរដ្ឋអាមេរិកចាក់វ៉ាក់សាំងការពារកូវីដដល់ស្វាឪ

ព័ត៌មានជាតិ25 mins ago

ផ្អាកផ្ទះ​ជួល​មួយ​កន្លែង​​ទៀត​នៅ​ព្រះសីហនុ ក្រោយ​រក​ឃើញ​​​អ្នក​ស្នាក់​នៅ​វិជ្ជមាន​កូវីដ១៩​

ព័ត៌មានជាតិ39 mins ago

ថ្នាក់ដឹកនាំ​ខេត្តតាកែវ​អញ្ជើញ​ចុះសួរសុខទុក្ខ និង​នាំយក​គ្រឿងឧបភោគ​មួយចំនួនធំ ជូន​កងកម្លាំង​ឈរជើង​នៅតាម​បន្ទាត់​ព្រំដែន កម្ពុជា​-​វៀតណាម​

ព័ត៌មានជាតិ52 mins ago

បង្ក្រាប​ទីតាំង​ល្បែងភ្នាល់​បាល់​តាម​internet មួយកន្លែង​ឃាត់ខ្លួន​មនុស្ស​ប្រុស​ស្រី​១០​នាក់​និង​ដកហូត​សម្ភារ​កុំព្យូទ័រ​មួយចំនួន​

ព័ត៌មានជាតិ1 hour ago

ខេត្តព្រះសីហនុ សម្រេចយកទីតាំងសាលាបឋមសិក្សា និង អនុវិទ្យាល័យតេ ជោសែនកម្មករសម្រាប់ចាក់វ៉ាក់សាំង កូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services