ព័ត៌មានអន្ដរជាតិ

លេងមែនទែនហើយ! Facebook លុបសញ្ញាធីកពណ៌ខៀវលើផេករបស់ Apple

បានផុស

៥ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

ក្រុមហ៊ុន Facebook បានលុបចោលសញ្ញាធីកពណ៌ខៀវលើទំព័ររបស់ក្រុមហ៊ុន Apple ខណៈដែលជម្លោះរវាងក្រុមហ៊ុនបច្ចេកវិទ្យាយក្សទាំងពីរកាន់តែកើនឡើង ។

ទីប្រឹក្សាប្រព័ន្ធផ្សព្វផ្សាយលោក Matt Navarra បានកត់សម្គាល់ឃើញថា សញ្ញាធីកពណ៌ខៀវបានបាត់ពីទំព័រក្រុមហ៊ុន Apple កាលពីព្រឹកថ្ងៃអង្គារ ពោលមួយសប្តាហ៍ បន្ទាប់ពីស្ថាបនិកក្រុមហ៊ុន Facebook លោក Mark Zuckerberg បានរិះគន់ក្រុមហ៊ុនផលិតទូរស័ព្ទ iPhone មួយនេះអំពីការផ្លាស់ប្តូរភាពឯកជន ឬគោលការណ៍ថ្មីនាពេលខាងមុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Navarra បានសរសេរថា “Facebook បានលុបចោលសញ្ញាធីកពណ៌ខៀវលើទំព័ររបស់ Apple” ។

នៅលើបណ្តាញសង្គម Facebook ក្រុមហ៊ុន និងអង្គការធំៗស្ទើរតែទាំងអស់ត្រូវបានផ្តល់សញ្ញាធីកពណ៌ខៀវនៅលើទំព័រប្រព័ន្ធផ្សព្វផ្សាយសង្គមផ្លូវការរបស់ពួកគេដើម្បីជានិមិត្តរូបនៃភាពត្រឹមត្រូវរបស់ពួកគេ និងជាការទទួលស្គាល់ជាផ្លូវការពី Facebook ។

ទន្ទឹមនោះគូប្រជែងធំៗរបស់ Apple ដូចជាក្រុមហ៊ុន Microsoft ក្រុមហ៊ុន Hewlett Packard និងក្រុមហ៊ុន Samsung សុទ្ធតែត្រូវបាន Facebook ផ្តល់សញ្ញានេះឲ្យ ។

គេមិនទាន់ច្បាស់ទេថាតើពេលណា Facebook សម្រេចចិត្តលុបសញ្ញាធីកពណ៌ខៀវរបស់ក្រុមហ៊ុន Apple នោះទេ ខណៈសារព័ត៌មាន DailyMail.com មិនអាចទាក់ទងទៅក្រុមហ៊ុន Facebook ដើម្បីសុំការអត្ថាធិប្បាយបានឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា