Connect with us

ព័ត៌មានអន្ដរជាតិ

លោក Wang Yi ៖ ការប៉ុនប៉ងរបស់ អាមេរិក យក តៃវ៉ាន់ ដើម្បីគ្រប់គ្រង ចិន នឹងត្រូវវិនាស

បានផុស

នៅ

រដ្ឋមន្ត្រីការបរទេសចិនលោក Wang Yi បាននិយាយនៅថ្ងៃពុធនេះថា ការប៉ុនប៉ងរបស់ទីក្រុងវ៉ាស៊ីនតោនក្នុងការប្រើប្រាស់កោះតៃវ៉ាន់ដើម្បីគ្រប់គ្រងប្រទេសចិននឹងត្រូវវិនាសដោយចៀសមិនរួច ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសុន្ទរកថា បន្ទាប់ពីការមកដល់របស់លោកស្រី Nancy Pelosi មកកាន់កោះតៃវ៉ាន់កាលពីយប់ថ្ងៃអង្គារ លោករដ្ឋមន្ត្រីការបរទេសចិនបានសង្កត់ធ្ងន់លើគោលជំហរផ្លូវការរបស់ទីក្រុងប៉េកាំងថា ការធានាតែមួយគត់នៃការរួមរស់ដោយសន្តិភាព និងស្ថិរភាពនៅក្នុងច្រកសមុទ្រតៃវ៉ាន់ គឺជាគោលការណ៍ “ចិនតែមួយ” ។

លោក Wang Yi បាននិយាយថា “ការពឹងផ្អែកលើសហរដ្ឋអាមេរិកដើម្បីស្វែងរកឯករាជ្យឲ្យតៃវ៉ាន់” គឺដល់ទីបញ្ចប់ ហើយ “ការប្រើប្រាស់តៃវ៉ាន់ដើម្បីគ្រប់គ្រងប្រទេសចិន” គឺនឹងត្រូវបរាជ័យចៀសមិនរួច ។ នៅចំពោះមុខការរួបរួមជាតិ ប្រជាជនចិនមានភាពអង់អាចមិនជឿលើអំពើអាក្រក់ មិនភិតភ័យ ឬជ្រុលនិយម មានឆន្ទៈក្នុងការរួបរួម និងមានសមត្ថភាពការពារអធិបតេយ្យភាពជាតិ និងសេចក្តីថ្លៃថ្នូររបស់ជាតិយ៉ាងម៉ឺងម៉ាត់” ។

យោងតាមលោក Wang Yi បានឲ្យដឹងទៀតថា “សហរដ្ឋអាមេរិកមិនគួរស្រមើស្រមៃអំពីការលេងល្បែងភូមិសាស្ត្រនយោបាយឡើយ ហើយការបង្កហេតុរបស់ទីក្រុងវ៉ាស៊ីនតោនកំពុងបង្កើនភាពតានតឹងបន្ថែមទៀតនៅក្នុងតំបន់អាស៊ីប៉ាស៊ីហ្វិក ខណៈការប្រព្រឹត្តបែបនេះរបស់អាមេរិកគឺ “គ្រោះថ្នាក់ និងឆោតល្ងង់” ។

ជាចុងក្រោយលោករដ្ឋមន្ត្រី​បាន​បញ្ជាក់​យ៉ាង​លម្អិត​ថា​ “​គោលការណ៍​ចិន​តែ​មួយ​បាន​ក្លាយ​ជា​បទដ្ឋាន​មូលដ្ឋាន​ក្នុង​ទំនាក់ទំនង​អន្តរជាតិ  និង​បង្កើត​ជា​ផ្នែក​សំខាន់​នៃ​សណ្តាប់ធ្នាប់​អន្តរជាតិ ​ក្រោយ​សង្គ្រាមលោក​លើក​ទី ២ ។ អ្វីដែលសហរដ្ឋអាមេរិកត្រូវធ្វើគឺបញ្ឈប់ជាបន្ទាន់នូវការរំលោភលើគោលបំណង និងគោលការណ៍នៃធម្មនុញ្ញអង្គការសហប្រជាជាតិ ហើយបញ្ឈប់ជាបន្ទាន់សម្រាប់ការយកតៃវ៉ាន់ដើម្បីរំខានដល់អាស៊ីប៉ាស៊ីហ្វិក” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តើលោកស្រី Pelosi មានសាវតារយ៉ាងណា និងធ្លាប់ឌឺដងពាក្យសម្ដីអ្វីខ្លះដល់ ចិន?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៨ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម