ព័ត៌មានអន្ដរជាតិ
ថ្ងៃនេះខួប ១ ខែការស្លាប់លោក Abe តើសំណុំរឿងជនសង្ស័យដល់ណាហើយ?
ថ្ងៃចន្ទនេះគឺជាខួបមួយខែ ចាប់តាំងពីអតីតនាយករដ្ឋមន្ត្រីជប៉ុនលោក Abe Shinzo ត្រូវបានបាញ់សម្លាប់ ពេលកំពុងថ្លែងសុន្ទរកថាយុទ្ធនាការបោះឆ្នោតនៅទីក្រុង Nara ភាគខាងលិច ខណៈភ្លាមៗនោះប៉ូលីសក៏បានចាប់ខ្លួនជនដៃដល់ឈ្មោះ Yamagami Tetsuya អាយុ ៤១ ឆ្នាំជាអ្នកអត់ការងារធ្វើនៅទីក្រុង Nara នៅកន្លែងកើតហេតុនៃការបាញ់ប្រហារនោះផងដែរ ។
ប្រភពពីអ្នកស៊ើបអង្កេតបាននិយាយថា ប៉ូលិសនឹងពិនិត្យមើលរចនាសម្ព័ន្ធនៃកាំភ្លើងកែច្នៃដោយដៃដែលរឹបអូសបានពីកន្លែងកើតហេតុនៃការបាញ់ប្រហារ និងកាំភ្លើងផ្សេងទៀតដែលបានរកឃើញនៅផ្ទះរបស់ជនសង្ស័យដែលជាអ្នកបាញ់ ហើយប៉ូលិសក៏នឹងបាញ់សាកល្បងកាំភ្លើងនោះផងដែរ ដើម្បីកំណត់ថាតើវាជាអាវុធសម្លាប់ពិតមែនឬក៏អត់ ។
ទន្ទឹមនោះប៉ូលិសក៏កំពុងស៊ើបអង្កេត និងចោទប្រកាន់ជនដៃដល់ពីបទសង្ស័យឃាតកម្មផងដែរ ខណៈបច្ចុប្បន្នជនសង្ស័យកំពុងស្ថិតក្រោមការវាយតម្លៃផ្នែកវិកលចរិតដើម្បីកំណត់ថាតើគាត់អាចជាប់ទោសព្រហ្មទណ្ឌដែរឬយ៉ាងណា ។
ប៉ូលិសបាននិយាយទៀតថា ពួកគេបានរឹបអូសកាំភ្លើងកែច្នៃធ្វើដោយដៃដែលប្រើក្នុងការបាញ់ប្រហារនោះប្រវែងប្រហែល ៤០ សង់ទីម៉ែត្រ និងទទឹង ២០ សង់ទីម៉ែត្រ ហើយក្រោយមកប៉ូលិសក៏បានរឹបអូសកាំភ្លើងកែច្នៃផ្សេងទៀតយ៉ាងតិច ៥ ដើមដូចគ្នាទៅនឹងកាំភ្លើងដែលប៉ូលិសយកចេញពីផ្ទះជនសង្ស័យ ។
ចំណែកក្រុមអ្នកស៊ើបអង្កេតក៏បានដកស្រង់សម្តីជនដៃដល់ Yamagami ផងដែរដោយនិយាយថា រូបគេបានកែច្នៃកាំភ្លើងផ្សុំឡើងពីបំពង់ដែករុំបង់ស្អិតដោយមានទាំងប្រភេទបំពង់ ២ បំពង់ ៣ បំពង់ ៥ និងប្រភេទបំពង់ ៦ ជាដើម ហើយប៉ូលិសក៏គ្រោងនឹងបន្តសំណុំរឿងសង្ស័យល្មើសច្បាប់គ្រប់គ្រងអាវុធ និងច្បាប់ផលិតអាវុធផងដែរ ។
ជាមួយគ្នានេះ មន្ត្រីសាលាក្រុង Nara បានឲ្យដឹងដែរថា ចាប់ពីថ្ងៃទី ១០ ដល់ថ្ងៃទី ១៥ ខែកក្កដា បណ្តាញទូរស័ព្ទហតឡាញរបស់ពួកគេបានទទួលសំណើចំនួន ១០៤ ករណីសម្រាប់ការពិគ្រោះយោបល់ពីប្រជាពលរដ្ឋ ដែលបានត្អូញត្អែរពីបញ្ហាផ្លូវចិត្ត បន្ទាប់ពីការបាញ់ប្រហារនោះ ។
មនុស្សមួយចំនួនបាននិយាយថា ពួកគេមានអារម្មណ៍មិនស្រួល ក្រោយមើលការរាយការណ៍របស់ទូរទស្សន៍អំពីការបាញ់ប្រហារនេះ ។ អ្នកខ្លះទៀតបាននិយាយថា ពួកគេមានការតក់ស្លុតជាខ្លាំងដែលឧបទ្ទវហេតុនេះកើតឡើងនៅកន្លែងមួយដែលពួកគេឧស្សាហ៍ឆ្លងកាត់ ខណៈមន្ត្រីក្រុងក៏បានបើកដំណើរការសេវាប្រឹក្សាតាមអ៊ីនធឺណិតនៅដើមខែនេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោកស្រី Pelosi ទៅដល់ ជប៉ុន ពិភាក្សាលើភាពតានតឹង ចិន-អាមេរិក
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ