ព័ត៌មានអន្ដរជាតិ
ការសិក្សា៖ ការចម្លងរបស់វីរុសក្លាយពូជប្រភេទថ្មីនឹងបណ្តាលឲ្យមានមនុស្សស្លាប់កាន់តែច្រើន
ការសិក្សាថ្មីមួយបានបង្ហាញថា វីរុសកូរ៉ូណាក្លាយពូជដែលកំពុងរីករាលដាលនៅក្នុងចក្រភពអង់គ្លេសហាក់ដូចជាមានការឆ្លងកាន់តែច្រើនហើយទំនងជានឹងនាំឲ្យអត្រានៃការព្យាបាលក្នុងមន្ទីរពេទ្យនិងការស្លាប់កាន់តែខ្ពស់។
យោងតាមការសិក្សាដោយមជ្ឈមណ្ឌលគំរូគណិតវិទ្យានៃជំងឺឆ្លងនៅសាលាអនាម័យនិងវេជ្ជសាស្ត្រត្រូពិកទីក្រុងឡុងដ៍បានឲ្យដឹងថា វីរុសនេះអាចចម្លងច្រើនជាងវីរុសប្រភេទដទៃទៀតរហូតដល់ទៅ៥៦ភាគរយឯណោះ។ យ៉ាងណាក្តី មិនមានភស្តុតាងច្បាស់លាស់បញ្ជាក់ថា វាបណ្តាលឲ្យមានជំងឺធ្ងន់ធ្ងរឬស្រាលនោះទេ។
កន្លងមក រដ្ឋាភិបាលចក្រភពអង់គ្លេសបាននិយាយថា វីរុសក្លាយពូជប្រភេទថ្មីនេះមើលទៅហាក់ដូចជាអាចចម្លងបានរហូតដល់ទៅ៧០ភាគរយជាងបណ្តាញវីរុសដទៃ។ បន្ថែមពីលើនេះ លោក Patrick Vallance ប្រធានទីប្រឹក្សាវិទ្យាសាស្ត្រចក្រភពអង់គ្លេសបាននិយាយថា វាមានការផ្លាស់ប្តូរជិតដប់លើកដែលអាចប៉ះពាល់ដល់ប្រូតេអ៊ីនដែលបង្កើតឡើងដោយវីរុសកូរ៉ូណា។
បញ្ហានេះបានបង្កឲ្យមានការព្រួយបារម្ភថា ការធ្វើតេស្ត ការព្យាបាលនិងវ៉ាក់សាំងដែលទើបតែចាប់ផ្តើមដំណើរការប្រហែលជាមិនមានប្រសិទ្ធិភាពនោះទេ ថ្វីបើអ្នកត្រួតពិនិត្យសុខភាពអឺរ៉ុបនិយាយថា វីរុសនេះប្រហែលជាមិនមានភាពខុសប្លែកពីវីរុសដែលអាចចាក់ដោយវ៉ាក់សាំងរបស់ក្រុមហ៊ុន Pfizer Inc និង BioNTech SE ក៏ដោយ។
គួរបញ្ជាក់ថា ប្រទេសជាច្រើនទៀតរួមមានអូស្រ្តាលី ដាណឺម៉ាកនិងសិង្ហបុរីក៏បានរកឃើញវីរុសក្លាយពូជប្រភេទថ្មីនេះផងដែរ៕
ប្រែសម្រួលដោយ៖ Vann Vann
ប្រភព៖ Bloomberg
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ