Connect with us

ព័ត៌មានអន្ដរជាតិ

ការសិក្សា៖ ការចម្លងរបស់វីរុសក្លាយពូជប្រភេទថ្មីនឹងបណ្តាលឲ្យមានមនុស្សស្លាប់កាន់តែច្រើន

បានផុស

នៅ

ការសិក្សាថ្មីមួយបានបង្ហាញថា វីរុសកូរ៉ូណាក្លាយពូជដែលកំពុងរីករាលដាលនៅក្នុងចក្រភពអង់គ្លេសហាក់ដូចជាមានការឆ្លងកាន់តែច្រើនហើយទំនងជានឹងនាំឲ្យអត្រានៃការព្យាបាលក្នុងមន្ទីរពេទ្យនិងការស្លាប់កាន់តែខ្ពស់។

យោងតាមការសិក្សាដោយមជ្ឈមណ្ឌលគំរូគណិតវិទ្យានៃជំងឺឆ្លងនៅសាលាអនាម័យនិងវេជ្ជសាស្ត្រត្រូពិកទីក្រុងឡុងដ៍បានឲ្យដឹងថា វីរុសនេះអាចចម្លងច្រើនជាងវីរុសប្រភេទដទៃទៀតរហូតដល់ទៅ៥៦ភាគរយឯណោះ។ យ៉ាងណាក្តី មិនមានភស្តុតាងច្បាស់លាស់បញ្ជាក់ថា វាបណ្តាលឲ្យមានជំងឺធ្ងន់ធ្ងរឬស្រាលនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក រដ្ឋាភិបាលចក្រភពអង់គ្លេសបាននិយាយថា វីរុសក្លាយពូជប្រភេទថ្មីនេះមើលទៅហាក់ដូចជាអាចចម្លងបានរហូតដល់ទៅ៧០ភាគរយជាងបណ្តាញវីរុសដទៃ។ បន្ថែមពីលើនេះ លោក Patrick Vallance ប្រធានទីប្រឹក្សាវិទ្យាសាស្ត្រចក្រភពអង់គ្លេសបាននិយាយថា វាមានការផ្លាស់ប្តូរជិតដប់លើកដែលអាចប៉ះពាល់ដល់ប្រូតេអ៊ីនដែលបង្កើតឡើងដោយវីរុសកូរ៉ូណា។

បញ្ហានេះបានបង្កឲ្យមានការព្រួយបារម្ភថា ការធ្វើតេស្ត ការព្យាបាលនិងវ៉ាក់សាំងដែលទើបតែចាប់ផ្តើមដំណើរការប្រហែលជាមិនមានប្រសិទ្ធិភាពនោះទេ ថ្វីបើអ្នកត្រួតពិនិត្យសុខភាពអឺរ៉ុបនិយាយថា វីរុសនេះប្រហែលជាមិនមានភាពខុសប្លែកពីវីរុសដែលអាចចាក់ដោយវ៉ាក់សាំងរបស់ក្រុមហ៊ុន Pfizer Inc និង BioNTech SE ក៏ដោយ។

គួរបញ្ជាក់ថា ប្រទេសជាច្រើនទៀតរួមមានអូស្រ្តាលី ដាណឺម៉ាកនិងសិង្ហបុរីក៏បានរកឃើញវីរុសក្លាយពូជប្រភេទថ្មីនេះផងដែរ៕

ប្រែសម្រួលដោយ៖ Vann Vann

ប្រភព៖ Bloomberg

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម