Connect with us

ព័ត៌មានអន្ដរជាតិ

រុស្ស៊ី-កូរ៉េខាងជើង ចាប់ដៃគ្នាពង្រីកទំនាក់ទំនងទ្វេភាគី ទប់ទល់ការគំរាមកំហែងរបស់ អាមេរិក (មានវីដេអូ)

បានផុស

នៅ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់មេដឹកនាំកូរ៉េខាងជើង លោក គីម ជុងអ៊ុន ថា ប្រទេសទាំងពីរ នឹងចាប់ដៃគ្នាពង្រីកទំនាក់ទំនងទ្វេភាគីគ្រប់ជ្រុងជ្រោយ និងស្ថាបនា ជាមួយនឹងកិច្ចខិតខំប្រឹងប្រែងរួមគ្នា។ នេះបើតាមប្រព័ន្ធផ្សព្វផ្សាយរដ្ឋរបស់ទីក្រុងព្យុងយ៉ាង បានរាយការណ៍នៅថ្ងៃចន្ទទី១៥ខែសីហានេះ។

ទីភ្នាក់ងារសារព័ត៌មាន KCNA របស់កូរ៉េខាងជើង បាននិយាយថា នៅក្នុងលិខិតផ្ញើជូនលោក គីម សម្រាប់ទិវារំដោះប្រទេសកូរ៉េ, លោក ពូទីន បាននិយាយថា ទំនាក់ទំនងកាន់តែជិតស្និទ្ធនឹងជាផលប្រយោជន៍របស់ប្រទេសទាំងពីរ ហើយនឹងជួយពង្រឹងដល់សន្តិសុខ និងស្ថិរភាពនៃឧបទ្វីបកូរ៉េ និងតំបន់អាស៊ីឦសាន។

លោក គីម ក៏បានផ្ញើលិខិតមួយច្បាប់ទៅលោក ពូទីន វិញដែរ ដោយនិយាយថា មិត្តភាពរុស្ស៊ី-កូរ៉េខាងជើង ត្រូវបានបង្កើតឡើងក្នុងសង្គ្រាមលោកលើកទីពីរ ជាមួយនឹងជ័យជម្នះលើប្រទេសជប៉ុន ដែលកាន់កាប់ឧបទ្វីបកូរ៉េ។

លោក គីម បន្តថា “កិច្ចសហប្រតិបត្តិការជាយុទ្ធសាស្ត្រ ការគាំទ្រ និងសាមគ្គីភាពរវាងប្រទេសទាំងពីរ បានឈានដល់កម្រិតថ្មីមួយនៅក្នុងកិច្ចខិតខំប្រឹងប្រែងរួមគ្នា ដើម្បីទប់ស្កាត់ការគំរាមកំហែង និងការបង្កហេតុពីកងកម្លាំងយោធាអរិភាព”។

ទោះបីជាយ៉ាងណាក៏ដោយ KCNA មិន​បាន​បញ្ជាក់ថាតើ ​កងកម្លាំង​អរិភាព ជាអ្នកណា​នោះ​ទេ ប៉ុន្តែ​វា​ជា​ធម្មតា គេ​បាន​ប្រើ​ពាក្យ​នេះ ​ដើម្បី​សំដៅ​ទៅ​សហរដ្ឋ​អាមេរិក និង​សម្ព័ន្ធមិត្ត​របស់​ខ្លួន។

លោក គីម ព្យាករណ៍ថា កិច្ចសហប្រតិបត្តិការរវាងរុស្ស៊ី និងកូរ៉េខាងជើង នឹងរីកចម្រើន ដោយផ្អែកលើកិច្ចព្រមព្រៀងដែលបានចុះហត្ថលេខាក្នុងឆ្នាំ ២០១៩ នៅពេលដែលលោកបានជួបជាមួយលោកពូទីន។

គួរបញ្ជាក់ថា កាលពីខែកក្កដា ប្រទេសកូរ៉េខាងជើង បានទទួលស្គាល់សាធារណរដ្ឋប្រជាមានិតបំបែកខ្លួនដែលគាំទ្រដោយរុស្ស៊ីចំនួនពីរ នៅភាគខាងកើតប្រទេសអ៊ុយក្រែន​ ថាជារដ្ឋឯករាជ្យ ហើយក្រុមមន្ត្រីបានលើកឡើងពីការរំពឹងទុកថា ពលករកូរ៉េខាងជើងអាចនឹងបញ្ជូនទៅកាន់តំបន់នោះដើម្បីជួយក្នុងវិស័យសំណង់ និងការងារផ្សេងទៀត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ ប្រភព៖ លោក ស៊ី និង បៃដិន នឹងជួបទល់មុខគ្នាជាលើកដំបូងនៅ អាស៊ីអាគ្នេយ៍ ក្នុងខែវិច្ឆិកា

Helistar Cambodia - Helicopter Charter Services
Sokimex Investment Group
ព័ត៌មានជាតិ២ ម៉ោង មុន

លោក តាន់ ហ្សង់ហ្វ្រង់ស្វ័រ÷ ករណីយល់ច្រឡំគ្នារវាងសមាជិកសភាជប៉ុន ជាមួយទូតកម្ពុជា មិនអាចធ្វើឱ្យទំនាក់ទំនងកម្ពុជាជប៉ុនស្រុតចុះឡើយ

សន្តិសុខសង្គម៤ ម៉ោង មុន

សមត្ថកិច្ចខណ្ឌកំបូល ឃាត់ម៉ូតូ​ដែល​ប្រេីប្រាស់​សុីម៉ាំង​បំពង​សំឡេង​កែច្នៃ​១០គ្រឿង

សេចក្ដីជូនដំណឹង៥ ម៉ោង មុន

ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស

ព័ត៌មានជាតិ៦ ម៉ោង មុន

អាជ្ញាធរខេត្តជាប់ព្រំដែន អះអាងថា ច្រកទ្វាររវាងកម្ពុជា-ថៃ គឺដំណើរការធម្មតា ពុំមានការបិទឡើយ

សេចក្ដីជូនដំណឹង៦ ម៉ោង មុន

ក្រុមហ៊ុន WOWNOW ពង្រីកចំនួនរថយន្តតាក់ស៊ីថ្មី ១០០គ្រឿងបន្ថែម!

Sokha Hotels

ព័ត៌មានពេញនិយម