Connect with us

ព័ត៌មានអន្ដរជាតិ

ស្រីលង្កា ប្រកាសលក់ហ៊ុននៃក្រុមហ៊ុនអាកាសចរណ៍ជាតិទៅអ្នកវិនិយោគ​បរទេស

បានផុស

នៅ

ប្រទេសស្រីលង្កាកាលពីថ្ងៃចន្ទបានប្រកាសនឹងលក់ភាគហ៊ុនចំនួន ៤៩ ភាគរយនៃក្រុមហ៊ុនអាកាសចរណ៍ជាតិដែលកំពុងវ័ណ្ឌ ក ទៅឲ្យអ្នកវិនិយោគបរទេស ខណៈដែលបំណុលរបស់ក្រុមហ៊ុនអាកាសចរណ៍ Sri Lankan Airlines ឈានដល់ ១.១២ ពាន់លានដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីកំពង់ផែ ដឹកជញ្ជូន និងអាកាសចរណ៍លោក Nimal Siripala De Silva បាននិយាយថា ភាគហ៊ុន ៤៩ ភាគរយរបស់ក្រុមហ៊ុន Sri Lankan Airlines នឹងលក់ទៅអ្នកវិនិយោគបរទេស ខណៈដែល ៥១ ភាគរយនឹងត្រូវបានរក្សាទុកជាមួយរដ្ឋ ហើយប្រាក់ដែលទទួលបានពីការរៀបចំឡើងវិញនូវរចនាសម្ព័ន្ធក្រុមហ៊ុនអាកាសចរណ៍ នឹងត្រូវយកទៅសងបំណុល ។

ទន្ទឹមនោះ រដ្ឋាភិបាល​ក៏​បាន​បង្ហាញ​ផង​ដែរ​ថា ក្រុម​ប្រឹក្សា​ភិបាល​អគ្គិសនីរដ្ឋ Ceylon ​អាច​នឹង​ត្រូវ​ធ្វើ​ឯកជនភាវូបនីយកម្ម​ ដោយ​សារ​តែ​ការ​ខាត​បង់កំពុង​កើន​ឡើង ហើយការសម្រេចចិត្តកាត់បន្ថយការចំណាយរបស់រដ្ឋាភិបាលត្រូវបានធ្វើឡើងនៅពីក្រោយវាំងនននៃការចរចាដែលកំពុងបន្ត ដើម្បីឈានដល់កញ្ចប់ថវិកាសង្គ្រោះចំនួន ៣ ពាន់លានដុល្លារជាមួយមូលនិធិរូបិយវត្ថុអន្តរជាតិ (IMF) ។

កាលពីសប្តាហ៍មុន ក្រុម IMF បានមកដល់ប្រទេសនេះ ដើម្បីពិភាក្សាអំពីកញ្ចប់ថវិកាសង្គ្រោះជាមួយមន្ត្រីជាន់ខ្ពស់រដ្ឋាភិបាល រួមទាំងប្រធានាធិបតីលោក Ranil Wickremesinghe ផងដែរ ហើយក្នុងនោះក្រុម IMF ក៏បានពិភាក្សាអំពីការរៀបចំរចនាសម្ព័ន្ធឡើងវិញនូវបំណុលរបស់ប្រទេសស្រីលង្កាដែលមានប្រហែល ២៩ ពាន់លានដុល្លារ ។

គួរបញ្ជាក់ថា ប្រទេសកោះដែលមានប្រជាជនចំនួន ២២ លាននាក់មួយនេះកំពុងប្រឈមមុខនឹងវិបត្តិសេដ្ឋកិច្ចដ៏អាក្រក់បំផុតរបស់ខ្លួន ចាប់តាំងពីឆ្នាំ ១៩៤៨ ដោយសារតែទុនបម្រុងរូបិយប័ណ្ណបរទេសបានធ្លាក់ចុះដល់ ៣០០ លានដុល្លារ អំឡុងពេលរោគរាតត្បាតកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ សារព័ត៌មាន រុស្ស៊ី ថា ក្រុមភេរវករ អ៊ុយក្រែន គំរាមសម្លាប់និពន្ធនាយក RT និង Sputnik

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៣ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៤ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៥ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៥ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៥ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម