ព័ត៌មានអន្ដរជាតិ
ប្រធានាធិបតី អ៊ីរ៉ាក់ ឲ្យរៀបចំការបោះឆ្នោតសភាជាបន្ទាន់ ទើបអាចរកផ្លូវចេញពីវិបត្តិនយោបាយ
ប្រធានាធិបតីអ៊ីរ៉ាក់លោក Barham Salih បាននិយាយនៅក្នុងសុន្ទរកថាតាមទូរទស្សន៍ទៅកាន់ប្រជាជាតិថា ការរៀបចំការបោះឆ្នោតបន្ទាន់របស់សភា នឹងក្លាយជាផ្លូវត្រួសត្រាយចេញពីវិបត្តិនយោបាយនៅក្នុងប្រទេសអ៊ីរ៉ាក់ ។
លោកប្រធានាធិបតីបានបន្ថែមថា អ៊ីរ៉ាក់ត្រូវការកំណែទម្រង់សំខាន់ៗដើម្បីដោះស្រាយភាពទន់ខ្សោយនៅក្នុងប្រព័ន្ធអភិបាលកិច្ច រួមទាំងការបង្កើតកិច្ចសន្ទនារវាងរដ្ឋាភិបាលសហព័ន្ធ និងអាជ្ញាធរនៃតំបន់ស្វយ័ត Kurdistan របស់អ៊ីរ៉ាក់ ។
ការថ្លែងរបស់លោកប្រធានាធិបតីកើតឡើង ក្រោយមានការប៉ះទង្គិចគ្នាបានផ្ទុះឡើងនៅក្នុងទីក្រុងបាកដាដ និងខេត្តផ្សេងទៀតរបស់អ៊ីរ៉ាក់កាលពីថ្ងៃចន្ទ បន្ទាប់ពីបុព្វជិត Shia ដ៏មានឥទ្ធិពលគឺលោក Muqtada al-Sadr បានប្រកាសនឹងដកខ្លួនចេញពីជីវិតនយោបាយ និងបិទការិយាល័យនយោបាយរបស់លោកទាំងអស់នៅទូទាំងប្រទេស ដោយសារតែភាពអសមត្ថភាពក្នុងការដោះស្រាយជម្លោះនយោបាយជាមួយរដ្ឋាភិបាល ។
យោងតាមទិន្នន័យចុងក្រោយរបស់វេជ្ជបណ្ឌិតអ៊ីរ៉ាក់បានឲ្យដឹងថា ចំនួនអ្នកស្លាប់ក្នុងអំឡុងពេលការប៉ះទង្គិចគ្នាបានកើនឡើងដល់ ៣០ នាក់ ខណៈមនុស្សជាង ៧០០ នាក់បានរងរបួស ក្នុងនោះមានបុគ្គលិកសន្តិសុខចំនួន ១១០ នាក់ផងដែរ ។
ទោះជាយ៉ាងណា កាលពីថ្ងៃអង្គារ ស្ថានការណ៍នៅទីក្រុងបាកដាដ បានចាប់ផ្តើមវិលមករកភាពប្រក្រតីវិញ បន្ទាប់ពីសុន្ទរកថារបស់លោក Al-Sadr បានអំពាវនាវឲ្យអ្នកគាំទ្ររបស់គាត់ចាកចេញពី “តំបន់បៃតង” នៅកណ្តាលទីក្រុងបាកដាដ ហើយបញ្ឈប់ការប្រឈមមុខដាក់គ្នាដោយប្រដាប់អាវុធជាមួយកងកម្លាំងសន្តិសុខ និងកងជីវពលស៊ីអ៊ីតដែលបានចូលរួមជាមួយពួកគេ ។
អ៊ីរ៉ាក់បាននឹងកំពុងប្រឈមមុខការជាប់គាំងនផ្នែកយោបាយ ចាប់តាំងពីការបោះឆ្នោតសភាក្នុងខែតុលា ឆ្នាំ ២០២១ ។ ប្លុកនយោបាយរបស់លោក Al-Sadr បានឈ្នះការបោះឆ្នោត ប៉ុន្តែបានធ្លាក់ទៅក្រុមប្រឆាំងវិញនៅក្នុងខែឧសភា ហើយបានចុះចេញពីតំណែងនៅក្នុងខែមិថុនា បន្ទាប់ពីការបរាជ័យជាច្រើនលើកដើម្បីបង្កើតរដ្ឋាភិបាលមួយ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អ៊ីរ៉ាក់ ផ្ទុះបាតុកម្មហិង្សា កំពុងជ្រួលច្របល់ពេញប្រទេស
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)