Connect with us

ព័ត៌មានអន្ដរជាតិ

អ៊ីរ៉ាក់ ផ្ទុះបាតុកម្មហិង្សា កំពុងជ្រួលច្របល់ពេញប្រទេស (មានវីដេអូ)

បានផុស

នៅ

ប្រទេសអ៊ីរ៉ាក់ កំពុងជ្រួលច្របល់ខណៈមនុស្សចំនួន១៤នាក់ត្រូវបានសម្លាប់ និងជាង៣០០នាក់រងរបួសក្នុងការប៉ះទង្គិចគ្នាដោយហិង្សា ដែលផ្ទុះឡើងនៅតំបន់បៃតងរបស់ទីក្រុង បាកដាដកាលពីថ្ងៃចន្ទទី២៩ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បាតុកម្មហិង្សានេះ កើតឡើងបន្ទាប់ពីការប្រកាសរបស់បព្វជិត Shia ដ៏មានឥទ្ធិពលគឺលោក Muqtada al-Sadr ថា លោកនឹងដកខ្លួនចេញពីជីវិតនយោបាយ។

កងកម្លាំងសន្តិសុខ បានបណ្តេញក្រុមបាតុករចេញពីវិមានសាធារណៈរដ្ឋរបស់ប្រទេសអ៊ីរ៉ាក់ ដោយការបាញ់ឧស្ម័នបង្ហូរទឹកភ្នែក និងគ្រាប់កាំភ្លើងពិត។ មន្ត្រីសន្តិសុខអ៊ីរ៉ាក់បានប្រាប់ CNN ថា បាតុកររាប់រយនាក់ បានសម្រុកចូលអគារនៅខាងក្នុងតំបន់ បៃតង បន្ទាប់ពីការប្រកាសរបស់លោក al-Sadr។

លោក Muqtada al-Sadr

វិមានសាធារណៈរដ្ឋ គឺជាកន្លែងដែលគណៈរដ្ឋមន្ត្រីអ៊ីរ៉ាក់ជួបប្រជុំ ហើយឥឡូវនេះ លោកនាយករដ្ឋមន្ត្រី Mustafa al-Kadhimi បានផ្អាករាល់កិច្ចប្រជុំរបស់រដ្ឋាភិបាល រហូតដល់មានការជូនដំណឹងបន្ថែម។ លោកនាយករដ្ឋមន្ត្រី​ បាន​ជំរុញឲ្យ​លោក al-Sadr ​ជួយ​អំពាវនាវ​ឲ្យ​បាតុករ​ដកថយ​ចេញពី​ស្ថាប័ន​រដ្ឋាភិបាល។

ស្របពេលជាមួយគ្នានោះ ប្រធានាធិបតីរបស់ប្រទេសនេះ គឺលោក Barham Salih ក៏បានជំរុញឲ្យមានភាពស្ងប់ស្ងាត់ផងដែរ ដោយបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា “កាលៈទេសៈដ៏លំបាកដែលប្រទេសរបស់យើងកំពុងឆ្លងកាត់ តម្រូវឲ្យមនុស្សគ្រប់គ្នាគោរពដោយភាពស្ងប់ស្ងាត់ អត់ធ្មត់ ទប់ស្កាត់អំពើហិង្សា និងធានាថា ស្ថានភាពមិនរីកធំនិងគ្រោះថ្នាក់ ដែលនឹងបណ្តាលឲ្យមនុស្សគ្រប់គ្នា បាត់បង់ជីវិតនោះទេ”។

ប្រធានាធិបតីអ៊ីរ៉ាក់លោក Barham Salih

លោក Al-Sadr បាននិយាយថា លោកបានធ្វើការសម្រេចចិត្តកាលពី២ខែមុន ក្នុងការមិនជ្រៀតជ្រែកក្នុងកិច្ចការនយោបាយ ប៉ុន្តែឥឡូវនេះ លោកបានប្រកាសអំពីការចូលនិវត្តន៍ចុងក្រោយរបស់ខ្លួនពីនយោបាយ ហើយបិទការិយាល័យនយោបាយរបស់លោកទាំងអស់ នៅទូទាំងប្រទេស។

ការប្រកាសនេះ ធ្វើឡើងបន្ទាប់ពីភាពតានតឹង និងការតវ៉ារយៈពេលជាច្រើនសប្តាហ៍ ដែលបង្កឡើងដោយការសម្រេចចិត្តរបស់លោក al-Sadr ក្នុងខែមិថុនា បញ្ជាឲ្យប្លុកនយោបាយទាំងមូលរបស់លោក ដកខ្លួនចេញពីសភាអ៊ីរ៉ាក់ ជាការបង្ហាញកម្លាំងជាក់ស្តែង បន្ទាប់ពីមានភាពជាប់គាំងនយោបាយជាច្រើនខែ។

ប្រទេសអ៊ីរ៉ាក់ បានតស៊ូបង្កើតរដ្ឋាភិបាលថ្មី ចាប់តាំងពីការបោះឆ្នោតសភាក្នុងខែតុលាឆ្នាំមុន ដែលប្លុកនិកាយស៊ីអ៊ីតគាំទ្រដោយប្រទេសអ៊ីរ៉ង់ បានបាត់បង់អាសនៈទៅក្រុម Sadrists។

លោក Al-Sadr ដែល​ធ្លាប់​មាន​ជំហរ​​ប្រឆាំង​ទាំង​អ៊ីរ៉ង់ និង​សហរដ្ឋ​អាមេរិក គឺ​មាន​ប្រជាប្រិយភាព​ខ្លាំងណាស់នៅ​អ៊ីរ៉ាក់។ ទោះបីជាយ៉ាងណាក៏ដោយ ការប៉ុនប៉ងរបស់លោកដើម្បីបង្កើតរដ្ឋាភិបាលមួយ ត្រូវបរាជ័យប៉ុន្មានខែបន្ទាប់ពីការបោះឆ្នោត ចំពេលមានការប្រឆាំងពីប្លុកគូប្រជែង។

ទីបំផុតនៅក្នុងខែកក្កដា សម្ព័ន្ធមិត្តនិកាយស៊ីអ៊ីតដ៏ធំបំផុតនៅក្នុងសភាអ៊ីរ៉ាក់ (Coordination Framework) បានតែងតាំងលោក Mohammed Shiya al-Sudani ឲ្យដឹកនាំប្រទេស ដែលបង្កឲ្យមានរលកនៃការតវ៉ាពីសំណាក់អ្នកដែលស្មោះត្រង់នឹងលោក al-Sadr៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ មីស៊ីលវាយប្រហារ មូលដ្ឋានដាក់ទ័ពអាមេរិក នៅ អ៊ីរ៉ាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ នាទី មុន

ភេរវករសារភាពថា ខ្លួនត្រូវគេជួលតម្លៃ ៥ ៤១៨ដុល្លារ ឲ្យវាយប្រហារនៅ រុស្ស៊ី

កីឡា២៦ នាទី មុន

ស្វាយរៀងខាប់លើកទី៦រក​ឃើញក្រុមប៉ះគ្នាវគ្គ១៦ក្រុមចុងក្រោយ

ព័ត៌មានអន្ដរជាតិ១ ម៉ោង មុន

លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់

បច្ចេកវិទ្យា១៦ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៦ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៤ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១៨ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម