ព័ត៌មានអន្ដរជាតិ
រដ្ឋមន្ត្រីការបរទេស រុស្ស៊ី សរសើរ ថៃ យល់ហេតុផលនៅពីក្រោយសង្គ្រាម អ៊ុយក្រែន
ទីភ្នាក់ងារសារព័ត៌មាន TASS បានឲ្យដឹងថា លោក Sergei Lavrov រដ្ឋមន្ត្រីការបរទេសរុស្ស៊ី បានជួបពិភាក្សាជាមួយលោក Don Pramudwinai រដ្ឋមន្ត្រីក្រសួងការបរទេសថៃ នាអំឡុងពេលទស្សនកិច្ចផ្លូវការនៅទីក្រុងមូស្គូ ។
បន្ទាប់ពីកិច្ចពិភាក្សា លោក Sergei Lavrov បានធ្វើសេចក្តីប្រកាសព័ត៌មានមួយ ដោយសម្តែងការអរគុណដល់ប្រទេសថៃចំពោះការវាយតម្លៃពីគោលបំណងរុស្ស៊ីនៅអ៊ុយក្រែន និងយល់ពីមូលហេតុពិតនៃស្ថានការណ៍ក្នុងឆាកអន្តរជាតិ ។
លោក Sergei Lavrov ថ្លែងថា “យើងសូមថ្លែងអំណរគុណដល់មិត្តថៃចំពោះអាកប្បកិរិយាប្រកបដោយតុល្យភាព មិនលំអៀង និងការទទួលខុសត្រូវនូវអ្វីដែលកំពុងកើតឡើងទាំងក្នុង និងជុំវិញប្រទេសអ៊ុយក្រែន ។ យើងសូមថ្លែងអំណរគុណចំពោះមិត្តថៃដែលយល់ពីមូលហេតុពិតប្រាកដនៃស្ថានការណ៍បច្ចុប្បន្នក្នុងឆាកអន្តរជាតិ ហើយយើងបញ្ជាក់ពីឆន្ទៈរបស់យើងក្នុងការចែករំលែកព័ត៌មានលម្អិតនៃការវាយតម្លៃរបស់យើងសម្រាប់គ្រប់យ៉ាងទាំងអស់ដែលកើតឡើង” ។
ជាមួយគ្នានេះ រដ្ឋមន្ត្រីការបរទេសរុស្ស៊ីក៏បានថ្លែងស្ងើចសរសើរចំពោះតួនាទីរបស់ប្រទេសថៃក្នុងដំណើរការសមាហរណកម្មនៅក្នុងតំបន់អាស៊ីប៉ាស៊ីហ្វិក ក៏ដូចជាធ្វើជាប្រធាន និងធ្វើជាម្ចាស់ផ្ទះនៃកិច្ចប្រជុំកំពូល APEC ដែលនឹងប្រព្រឹត្តទៅនៅទីក្រុងបាងកក នៅចុងឆ្នាំ ២០២២ នេះ ។
ចំណែកទំព័រហ្វេសប៊ុករបស់ស្ថានទូតរុស្ស៊ីប្រចាំប្រទេសថៃក៏បានផ្សព្វផ្សាយសារសុន្ទរកថារបស់លោក Sergei Lavrov ផងដែរ ដោយបានបញ្ជាក់ថា “រុស្ស៊ីយកចិត្តទុកដាក់យ៉ាងខ្លាំងចំពោះទំនាក់ទំនងជាមួយប្រទេសថៃ ហើយថៃគឺជាសម្ព័ន្ធមិត្តចាស់បំផុតជាងគេរបស់រុស្ស៊ីនៅអាស៊ីអាគ្នេយ៍ ។ ប្រទេសថៃតែងតែបង្កើតទំនាក់ទំនងជាមួយរុស្ស៊ីដោយឈរលើមូលដ្ឋាននៃការគោរពគ្នាទៅវិញទៅមក ដោយសមភាព និងផលប្រយោជន៍រួម ។
សុន្ទរកថានោះបានបញ្ជាក់បន្ថែមថា “ក្នុងអំឡុងពេលដ៏លំបាកនេះ យើងត្រូវបានទទួលការណែនាំយ៉ាងល្អនៅក្នុងទំនាក់ទំនងទ្វេភាគី ដោយការពារផលប្រយោជន៍ជាតិ និងប្រជាជន ។ នេះជាការពិតនៅក្នុងទំនាក់ទំនងទ្វេភាគី និងពាក់ព័ន្ធនឹងកិច្ចសហប្រតិបត្តិការក្នុងកិច្ចការផ្សេងៗ ទាំងនៅកម្រិតតំបន់ និងអន្តរជាតិ” ៕
ប្រែសម្រួលដោយ ៖ គង់ សំអាន
ប្រភព ៖ The Standard
ចុចអាន ៖ ពូទីន ប្រាប់មូលហេតុដែលមិននិយាយពី អ៊ុយក្រែន ក្នុងវេទិកាសេដ្ឋកិច្ចបូព៌ា
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ