ព័ត៌មានអន្ដរជាតិ
រុស្ស៊ី ព្រមាន អាមេរិក កុំឲ្យផ្ដល់មីស៊ីលរយៈចម្ងាយឆ្ងាយដល់ អ៊ុយក្រែន
ក្រសួងការបរទេសរុស្ស៊ីបាននិយាយថា ប្រសិនបើសហរដ្ឋអាមេរិកសម្រេចចិត្តផ្គត់ផ្គង់មីស៊ីលរយៈចម្ងាយឆ្ងាយដល់រដ្ឋាភិបាលទីក្រុងកៀវនោះ វានឹងឆ្លងកាត់ “បន្ទាត់ក្រហម” ហើយនឹងក្លាយជា “ភាគីនៃជម្លោះផ្ទាល់” នៅអ៊ុយក្រែន ។
នៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ អ្នកនាំពាក្យក្រសួងការបរទេសលោកស្រី Maria Zakharova បានបន្ថែមថា “ប្រទេសរុស្ស៊ីសូមរក្សាសិទ្ធិការពារទឹកដីរបស់ខ្លួន បើមានករណីទាំងនោះកើតឡើងមែន” ។
ទីក្រុងវ៉ាស៊ីនតោនបានផ្គត់ផ្គង់ដោយបើកចំហដល់អ៊ុយក្រែននូវប្រព័ន្ធមីស៊ីលកំណត់គោលដៅជាក់លាក់ (GMLRS) ដែលមានសមត្ថភាពបាញ់ចេញពីប្រព័ន្ធរ៉ុក្កែតកាំភ្លើងធំចល័តខ្ពស់ (HIMARS) និងអាចបាញ់ដល់គោលដៅចម្ងាយរហូតដល់ ៨០ គីឡូម៉ែត្រ ខណៈប្រព័ន្ធមីស៊ីល HIMARS ក៏អាចប្រើដើម្បីបាញ់មីស៊ីលរយៈចម្ងាយឆ្ងាយ ATACMS ដែលមានចម្ងាយរហូតដល់ ៣០០ គីឡូម៉ែត្រផងដែរ ។
កន្លងមកអ៊ុយក្រែនបានស្នើសុំ និងទទួលសព្វាវុធយ៉ាងច្រើនពីអាមេរិក និងសម្ព័ន្ធមិត្តលោកខាងលិចផ្សេងទៀត ដើម្បីជួយទប់ទល់នឹងកងកម្លាំងប្រដាប់អាវុធរុស្ស៊ីដែលត្រូវបានបញ្ជូនចូលអ៊ុយក្រែនកាលពីខែកុម្ភៈ ។
ទន្ទឹមនោះកាលពីខែមុន សហរដ្ឋអាមេរិកបានប្រកាសផ្តល់ជំនួយយោធាថ្មីចំនួន ៣ ពាន់លានដុល្លារដល់អ៊ុយក្រែន ដែលជាកញ្ចប់ជំនួយដ៏ធំបំផុតតែមួយគត់របស់សហរដ្ឋអាមេរិកសម្រាប់អ៊ុយក្រែន ចាប់តាំងពីសង្គ្រាមលុកលុយរបស់រុស្ស៊ី ។
សរុបមក អាមេរិកបានសន្យាផ្តល់ជំនួយផ្នែកសន្តិសុខប្រមាណ ១០.៦ ពាន់លានដុល្លារដល់អ៊ុយក្រែន ចាប់តាំងពីការចាប់ផ្តើមរដ្ឋបាលរបស់ប្រធានាធិបតីអាមេរិក Joe Biden ក្នុងខែមករា ឆ្នាំ ២០២១ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ អ៊ុយក្រែន បើកការវាយប្រហារចូលទឹកដីរុស្ស៊ី បណ្តាលឲ្យមានមនុស្សស្លាប់
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល