ព័ត៌មានអន្ដរជាតិ

ជប៉ុន ឲ្យពលរដ្ឋត្រៀមខ្លួន ព្យុះទីហ្វុងដ៏ធំ Nanmadol នឹងមកដល់យប់នេះ

បានផុស

២ ខែ មុន

នៅ

ថ្ងៃសៅរ៍ ១៧ កញ្ញា ២០២២

ដោយ

មន្ត្រីអាកាសធាតុក្នុងប្រទេសជប៉ុន បាននិយាយថា ព្យុះទីហ្វុងដ៏ធំនិងមានឥទ្ធិពល Nanmadol នឹងមកដល់យប់នេះ ខណៈទីភ្នាក់ងារ កំពុងជំរុញឲ្យប្រជាពលរដ្ឋត្រៀមខ្លួនទប់ទល់គ្រោះមហន្តរាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះទីហ្វុង Nanmadol នឹងខិតជិតកោះ Daito ក្នុងខេត្ត Okinawa និងតំបន់ Amami នៃខេត្ត Kagoshima និងតំបន់ Kyushu ភាគខាងត្បូង។ ព្យុះទីហ្វុងនេះត្រូវបានគេព្យាករណ៍ថា នឹងឆ្ពោះទៅទិសឦសាន ហើយធ្វើដំណើរឆ្លងកាត់កោះសំខាន់របស់ប្រទេសជប៉ុនគឺ Honshu ទៅកាន់ភាគខាងកើត និងភាគខាងជើង រហូតដល់ថ្ងៃអង្គារ។

ទីភ្នាក់ងារឧតុនិយមបាននិយាយថា គិតត្រឹមព្រឹកថ្ងៃសៅរ៍នេះ Nanmadol ស្ថិតនៅចម្ងាយប្រហែល ២០០ គីឡូម៉ែត្រភាគខាងកើតនៃកោះ Minami-Daito និងផ្លាស់ទីទៅភាគពាយព្យក្នុងល្បឿន ១០ គីឡូម៉ែត្រក្នុងមួយម៉ោង។ ត្រូវបានគេវាយតម្លៃថា មានទំហំធំ និងខ្លាំងក្លា វាកំពុងដឹកខ្យល់នៅជិតកណ្តាលរបស់វា ១៩៨ គីឡូម៉ែត្រក្នុងមួយម៉ោង និងខ្យល់ខ្លាំងរហូតដល់ ២៧០ គីឡូម៉ែត្រក្នុងមួយម៉ោង ជាមួយនឹងសម្ពាធកណ្តាលនៃ ៩១០ ហិកតា។

ដោយឡែក លោក Robert Speta អ្នកជំនាញព្យុះទីហ្វុងដែលធ្លាប់ធ្វើការនៅប្រទេសជប៉ុនបាននិយាយថា “ប្រសិនបើព្យុះរក្សាកម្រិតខ្លាំង នេះតាមការព្យាករណ៍ វានឹងធ្វើឲ្យដីគោកក្លាយជាព្យុះមួយក្នុងចំណោមព្យុះខ្លាំងបំផុតទាំងប្រាំដែលវាយប្រហារភាគខាងលិចប្រទេសជប៉ុនក្នុងកំណត់ត្រា” ។

គួរបញ្ចាក់ថា មន្ត្រីឧតុនិយមបានចេញការព្រមានចុងក្រោយថា ព្យុះទីហ្វុងអាចបណ្តាលឲ្យមានខ្យល់បក់បោកខ្លាំង និងព្យុះភ្លៀង ការបាក់ដី ច្រាំងទន្លេ និងទឹកជំនន់ ដែលភាគច្រើននៅភាគខាងលិចប្រទេសជប៉ុន Okinawa និង Amami ដែលផ្ទះមួយចំនួនអាចប្រឈមនឹងហានិភ័យនៃការដួលរលំ ដោយជំរុញឲ្យអ្នករស់នៅក្នុងអគាររឹងមាំ និងនៅឲ្យឆ្ងាយពីបង្អួច៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖លើកដំបូង ជប៉ុន មានប្រជាជនអាយុចាប់ពី ១០០ ឆ្នាំឡើងលើស ៩ ម៉ឺននាក់