អ្នកណាខ្លះ ដែល​ រុស្ស៊ី លើកលែង ពីការកែនឲ្យចូលបម្រើក្នុងជួរកងទ័ព?

ប្រទេសរុស្ស៊ី បាននិយាយកាលពីថ្ងៃសុក្រទី២៣ខែកញ្ញាថា ខ្លួននឹងលើកលែងចំពោះបុគ្គលិកធនាគារ បុគ្គលិកផ្នែកព័ត៌មានវិទ្យា និងអ្នកសារព័ត៌មាន ពីការកែនឲ្យចូលបម្រើក្នុងជួរកងទ័ពដើម្បីទៅប្រយុទ្ធនៅប្រទេសអ៊ុយក្រែន ក្រោមបញ្ជារបស់លោកប្រធានាធិបតី វ្លាឌីមៀរ ពូទីន។

រដ្ឋមន្ត្រីក្រសួងការពារជាតិលោក Sergei Shoigu បាននិយាយកាលពីថ្ងៃពុធថា រុស្ស៊ីនឹងកែនកងទ័ពបន្ថែមចំនួន ៣០០ ០០០នាក់ សម្រាប់សង្គ្រាមនៅអ៊ុយក្រែន។

ក្រសួងការពារជាតិរុស្ស៊ីបាននិយាយថា បុគ្គលិកមួយចំនួនដែលធ្វើការនៅក្នុងឧស្សាហកម្មសំខាន់ៗ នឹងត្រូវបានដកចេញពីក្រឹត្យនេះ ក្នុងគោលបំណងធានានូវការងារល្អប្រសើរ ក្នុងឧស្សាហកម្មបច្ចេកវិទ្យាកម្រិតខ្ពស់ ក៏ដូចជាប្រព័ន្ធហិរញ្ញវត្ថុរបស់រុស្ស៊ីផងដែរ។

ក្រសួងការពារជាតិ បាននិយាយថា ប្រធានក្រុមហ៊ុនទាំងឡាយ គួរតែរៀបចំបញ្ជីបុគ្គលិករបស់ពួកគេ ទើបអាចត្រូវបានដកចេញពីក្រឹត្យនេះបាន៕

ប្រែសម្រួល៖ Vann Vann

ប្រភព៖ CNA

ចុចអាន៖ រុស្ស៊ី មិន ចង់ មាន ជម្លោះ បើកចំហ ជាមួយ អាមេរិក និង ណាតូ ទេ