Connect with us

ព័ត៌មានអន្ដរជាតិ

ព្យុះ Noru នឹងមកដល់ វៀតណាម ជាមួយល្បឿនខ្យល់បក់ ១៨៣ គីឡូម៉ែត្រ​ក្នុងមួយម៉ោង (មានវីដេអូ)

បានផុស

នៅ

ព្យុះ Noru កំពុងពង្រីកកម្លាំងរបស់ខ្លួន​នៅ​ព្រឹក​ថ្ងៃ​អង្គារនេះ ខណៈ​វា​បាន​រំកិលខិត​ទៅ​ជិត​ឆ្នេរ​ភាគ​កណ្តាល​ប្រទេស​វៀតណាម ។ ព្យុះនេះស្ថិតនៅក្នុងតំបន់ភាគអាគ្នេយ៍នៃប្រជុំកោះ Paracels នៅម៉ោង ៤ ព្រឹកថ្ងៃអង្គារ ជាមួយនឹងល្បឿនខ្យល់បក់អតិបរមា ១៦៦ គីឡូម៉ែត្រក្នុងមួយម៉ោង ពោលកើនឡើងពី ១៤៩ គីឡូម៉ែត្រក្នុងមួយម៉ោងកាលពីយប់ថ្ងៃចន្ទ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលជាតិសម្រាប់ការព្យាករណ៍ធនធានជលសាស្ត្រ និងឧតុនិយមបាននិយាយថា ព្យុះនេះនឹងបន្តផ្លាស់ទីទៅទិសខាងលិចក្នុងល្បឿន ២០ ទៅ ២៥ គីឡូម៉ែត្រក្នុងមួយម៉ោងនៅថ្ងៃអង្គារនេះ ហើយអាចកាន់តែខ្លាំងនៅថ្ងៃបន្តបន្ទាប់ ។

ល្បឿនខ្យល់បក់អតិបរមារបស់វាអាចកើនឡើងដល់ ១៨៣ គីឡូម៉ែត្រក្នុងមួយម៉ោងនៅម៉ោង ៤ រសៀល​ថ្ងៃ​អង្គារ នេះ នៅ​ពេល​ដែល​វា​មាន​ចម្ងាយ​ប្រហែល ៣០០ គីឡូម៉ែត្រ​ពី​ទីក្រុង Da Nang និង ២៥០ គីឡូម៉ែត្រពីភាគខាងត្បូងខេត្ត Quang Nam ដែលជាតំបន់ឆ្នេរ Hoi An និង Cua Dai ។

ចំណែកគិតត្រឹមម៉ោង ៤ ទៀបភ្លឺថ្ងៃពុធ ខ្យល់ព្យុះនឹងរំកិលទៅទិសខាងត្បូងបន្តិចម្ដងៗ ដោយបោកបក់តាមឆ្នេរសមុទ្រពីខេត្ត Quang Tri ទៅខេត្ត Binh Dinh ជាមួយនឹងកម្លាំងខ្យល់អតិបរមា ១៦៦ គីឡូម៉ែត្រក្នុងមួយម៉ោង ។

ទន្ទឹមនោះ ព្យុះនេះត្រូវបានគេព្យាករណ៍ថា នឹងវាយលុកខេត្តភាគកណ្តាលវៀតណាមក្នុងរយៈពេលប៉ុន្មានម៉ោងខាងមុខ មុនពេលចុះខ្សោយទៅជាព្យុះត្រូពិច និងបន្ទាប់មកបោកបក់ទៅតំបន់សម្ពាធទាបលើប្រទេសថៃ ។

គួរបញ្ជាក់ថា តំបន់ដែលរងផលប៉ះពាល់ដោយព្យុះ Noru ខ្លាំងជាងគេគឺខេត្ត Quang Tri, ខេត្ត Thua Thien Hue, ទីក្រុង Da Nang, ខេត្ត Quang Nam និងខេត្ត Binh Dinh ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ VN Express

ចុចអាន ៖ ព្យុះទីហ្វុង Noru សម្លាប់មនុស្សដល់ទៅ ៦នាក់ និងបង្កការបំផ្លិចបំផ្លាញនៅ ហ្វីលីពីន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ពលរដ្ឋ​នៅ​ឃុំ​អូរសោម​​ ខេត្តពោធិ៍សាត់ ទទួល​បាន​សមិទ្ធផល​​ផ្លូវ​​បេតុង​​៦​ខ្សែ​

ព័ត៌មានជាតិ៨ ម៉ោង មុន

លោកជំទាវ ហ៊ុន ម៉ាណា អញ្ជើញ​ប្រគល់​ផ្ទះ​ទេវតា​១ខ្នង អណ្ដូងទឹកស្អាតចំនួន៣ និងប្រគេនទេយ្យវត្ថុដល់វត្តចំនួន៥វត្ត ក្នុង​ខេត្តកំពត

ព័ត៌មានជាតិ១១ ម៉ោង មុន

ក្រសួងអប់រំនឹងបិទបញ្ជីឈ្មោះបេក្ខជនប្រឡងបាក់ឌុបនៅតាមរាជធានីខេត្តនៅថ្ងៃស្អែកនេះ

ជីវិតកម្សាន្ដ១១ ម៉ោង មុន

CL និង តារាចម្រៀងជាច្រើនប្រចាំ កម្ពុជា អង្រួនឆាកក្នុងមហាព្រឹត្តិការណ៍ដ៏ធំ Vattanac All in Festival

ព័ត៌មានជាតិ១១ ម៉ោង មុន

ការចូលរួមបរិច្ឆាគឈាមដោយស្ម័គ្រចិត្តនៅកម្ពុជាបានកើនឡើង៥ភាគរយ

Sokha Hotels

ព័ត៌មានពេញនិយម